ព័ត៌មានអន្ដរជាតិ
WHO ចុះបញ្ជីវ៉ាក់សាំងទី ២ របស់ឥណ្ឌា ប្រើប្រាស់ជាបន្ទាន់
ទីភ្នាក់ងារព័ត៌មាន Reuters បានរាយការណ៍ថា អង្គការសុខភាពពិភពលោក (WHO) កាលពីថ្ងៃសុក្រ បានចុះបញ្ជីប្រើប្រាស់បន្ទាន់ នៃវ៉ាក់សាំង Novavax របស់វិទ្យាស្ថាន Serum នៃប្រទេសឥណ្ឌា ដោយត្រួសត្រាយផ្លូវសម្រាប់ក្រុមហ៊ុន ក្នុងការបញ្ជូនកម្រិតថ្នាំរបស់ពួកគេ សម្រាប់កម្មវិធី COVAX ។
WHO បានបញ្ជាក់ថា ក្រុមប្រឹក្សាបច្ចេកទេសសម្រាប់ការចុះបញ្ជី ការប្រើប្រាស់ក្នុងគ្រាអាសន្ន (TAG-EUL) បានកំណត់ថា Covovax ត្រូវបានវាយតម្លៃក្រោមនីតិវិធីរបស់ WHO EUL ដោយផ្អែកលើការពិនិត្យឡើងវិញ នៃទិន្នន័យស្តីពីគុណភាព សុវត្ថិភាព និងប្រសិទ្ធភាព ផែនការគ្រប់គ្រងហានិភ័យ ភាពសមស្របតាមកម្មវិធី និងការត្រួតពិនិត្យកន្លែងផលិត ដែលធ្វើឡើងដោយអគ្គនាយកគ្រប់គ្រងគ្រឿងញៀន នៃប្រទេស ឥណ្ឌា។
វេជ្ជបណ្ឌិត Mariângela Simão ជំនួយការអគ្គនាយក WHO សម្រាប់សិទ្ធិទទួលបានឱសថ និងផលិតផលសុខភាពបាននិយាយនៅក្នុងសេចក្តីថ្លែងការណ៍ថា “ការចុះបញ្ជីនេះមានគោលបំណង បង្កើនលទ្ធភាពចូលប្រើប្រាស់ ជាពិសេសនៅក្នុងប្រទេសមានចំណូលទាប ដែលក្នុងនោះ ៤១ នៅតែមិនអាចចាក់វ៉ាក់សាំងបាន ១០ ភាគរយនៃចំនួនប្រជាជនរបស់ពួកគេ ខណៈដែល ៩៨ ប្រទេសមិនទាន់ឈានដល់ ៤០ ភាគរយ” ។
គួរបញ្ជាក់ដែរថា Novavax និង Serum Institute ដែលជាអ្នកផលិតវ៉ាក់សាំងដ៏ធំបំផុតរបស់ពិភពលោក បានរួមគ្នា សហាការប្ដេជ្ញា ផ្ដល់ជាង ១.១ ពាន់លានដូស ដល់ COVAX ។
យ៉ាងណាមិញ វ៉ាក់សាំងដែលមានមូលដ្ឋានលើប្រូតេអ៊ីនដោយ Novavax ក្នុងខែមិថុនា ត្រូវបានបង្ហាញថា មានប្រសិទ្ធភាពជាង ៩០ភាគរយ រួមទាំងប្រឆាំងនឹងភាពខុសគ្នានៃមេរោគ ដែលទាក់ទងនឹងវីរុស នៅក្នុងការសាកល្បងនៅដំណាក់កាលចុងក្រោយរបស់សហរដ្ឋអាមេរិក។
លោក Seth Berkley នាយកប្រតិបត្តិនៃ GAVI ដែលជាសម្ព័ន្ធវ៉ាក់សាំងបាននិយាយថា “វ៉ាក់សាំងនេះអាចត្រូវបានប្រើនៅ ក្នុងបរិបទផ្សេងៗគ្នា ហើយនឹងផ្តល់ឲ្យប្រទេសនូវជម្រើសដ៏សំខាន់មួយផ្សេងទៀត នៅក្នុងដំណើរស្វែងរក ដើម្បីការពារប្រជាជនរបស់ពួកគេ” ៕
ប្រែសម្រួល៖ សាង ស្រីល័ក្ខ
ចុចអាន៖ពេទ្យ ថៃ ណែនាំ ៣ ក្បាច់ ការពារខ្លួនពីវីរុសបំប្លែង Omicron
ចុចអាន៖ក្រោយរាលដាលខ្លាំងនៅប៉ែកអឺរ៉ុប នេះជារឿង ១០ សំខាន់ខ្លាំង WHO បានបញ្ជាក់ពី Omicron
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%