ជីវិតកម្សាន្ដ

ខេមរៈ សិរីមន្ត ឧបត្ថម្ភថវិកា២លានដុល្លារ កសាងផ្លូវនិងប្រឡាយទឹកនៅស្រុកម៉ាឡៃ

បានផុស

៤ years មុន

នៅ

ថ្ងៃពុធ ២២ ធ្នូ ២០២១

ដោយ

តារាចម្រៀងលោក ខេមរ: សិរីមន្ត ថ្មីៗនេះបានសម្រេចឧបត្ថម្ភនូវថវិកាផ្ទាល់ខ្លួនចំនួន២លានដុល្លារដើម្បីចូលរួមចំណែកក្នុងការកសាងផ្លូវនិងប្រឡាយទឹកជួយសម្រួលដល់ប្រជាពលរដ្ឋដែលរស់នៅស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខេមរ: សិរីមន្ត បានលើកឡើងថា ការជួយដល់សង្គមជាតិនិងប្រជាជនយើង គឺជាតួនាទីរបស់យើងទាំងអស់គ្នា។ ថវិកា2 000 000$(ពីរលានដុល្លា)ជាថវិកាដ៏ច្រើនសម្រាប់ខ្ញុំ តែខ្ញុំរីករាយនឹងរួមចំ ណែកជាមួយរាជរដ្ឋាភិបាល ដើម្បីកសាងនៅផ្លូវ និងប្រឡាយទឹកជួយសម្រួលដល់ពុកម៉ែបងប្អូនដែលរស់នៅស្រុកម៉ាឡៃ ខេត្តបន្ទាយមានជ័យ និងទូទាំងប្រទេសតាមអ្វីដែលខ្ញុំអាចធ្វើបាន។

បើតាមការបញ្ជាក់ឲ្យដឹងពីរដ្ឋបាលខេត្តបន្ទាយមានជ័យ សម្រាប់ថវិកាចំនួន២លានដុល្លាររបស់តារា ចម្រៀងលោក ខេមរ: សិរីមន្ត នេះ គឺដើម្បីរួមចំណែកក្នុងការស្ថាបនាផ្លូវប្រវែង២២គីឡូម៉ែត្រ និងកាយប្រព័ន្ធទឹកប្រវែង១២គីឡូម៉ែត្រ ស្ថិតនៅភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។

តាមរយ:សកម្មភាពជួយសង្គមរបស់កំពូលតារាចម្រៀងលោក ខេមរ: សិរីមន្ត ពេលនេះ កំពុងទទួលបានការគាំទ្រច្រើនពីសំណាក់មហាជន និងអ្នកប្រើប្រាស់បណ្តាញសង្គមហ្វេសប៊ុក។ ដោយឡែកនៅព្រឹកថ្ងៃទី២២ ខែធ្នូនេះ លោក ខេមរ: សិរីមន្ត និងភរិយាក៏បានចុះចែកអំណោយ និងថវិកាមួយចំនួនចំពោះលោកគ្រូ អ្នកគ្រូសិល្បកររៀមច្បងផងដែរ៕

អត្ថបទ៖ ចាន់រ៉ា