ព័ត៌មានអន្ដរជាតិ
មីយ៉ានម៉ា ចាប់ខ្លួន និងកាត់ទោសព្រះសង្ឃល្បីឈ្មោះមួយអង្គ បន្ទាប់ពី Live ធ្វើពិធីកាត់នំខួបកំណើត
មីយ៉ាន់ម៉ាបានចាប់ខ្លួន និងកាត់ទោសអតីតព្រះសង្ឃដ៏ល្បីឈ្មោះមួយអង្គនៅទីក្រុង Mandalay បន្ទាប់ពី Live តាមហ្វេសប៊ុកអំពីការប្រារព្ធពិធីខួបកំណើត ហើយត្រូវបានចោទប្រកាន់ពីបទមើលងាយវិស័យសាសនា ។
គេហទំព័រព័ត៌មានកងទ័ពមីយ៉ាន់ម៉ាបានរាយការណ៍ពីការចាប់ខ្លួនសង្ឃ U Sawana អាយុ ៤០ ឆ្នាំជាព្រះសង្ឃល្បីឈ្មោះនៅវត្ត Payi To Ta ទីក្រុង Mandalay ក្រោមបទចោទប្រកាន់ពីបទមិនគោរពតាមវិន័យព្រះសង្ឃ និងបង្កើតភាពអាប់ឱនដល់ព្រះពុទ្ធសាសនា ។
ចំណែកមូលហេតុនៃការចាប់ខ្លួននេះបានកើតឡើង ដោយសារតែនៅថ្ងៃទី ១ ខែមករា ឆ្នាំ ២០២២ សង្ឃ U Sawana បាន Live ការប្រារព្ធពិធីខួបកំណើតតាមរយៈគណនី Facebook របស់គាត់ឈ្មោះ Ashin Zawana ដែលធ្វើឡើងនៅក្នុងភូមិគ្រឹះដ៏ធំមួយក្នុងស្រុក Shanmee Ta Si នៅទីក្រុង Mandalay និងបានរកឃើញអាកប្បកិរិយាមិនសមរម្យមួយចំនួនដូចជាការទទួលទានគ្រឿងស្រវឹងក្នុងពិធីខួបកំណើត និងមានសកម្មភាពកម្សាន្តផ្សេងទៀតលើសពីបព្វជិត ។
ទន្ទឹមនោះ នៅលើគណនីហ្វេសប៊ុករបស់សង្ឃ U Sawana ក៏មានរូបភាពមួយចំនួនបង្ហាញពីអាកប្បកិរិយា ក៏ដូចជាសម្ភារៈប្រើប្រាស់ប្រេនៗ និងទំនិញថ្លៃៗជាច្រើនដូចជាស្បែកជើង វ៉ែនតា កាបូបដៃ ព្រមទាំងការបង្ហោះទាក់ទងនឹងការលេងល្បែងភ្នាល់តាមអនឡាញ និងការភ្នាល់បាល់ទាត់ផងដែរ ។
លើសពីនេះទៅទៀតគេក៏បានរកឃើញថា សង្ឃ U Sawana ធ្លាប់បានបង្ហោះសារប្រឆាំងនឹងរដ្ឋប្រហារថ្ងៃទី ១ ខែកុម្ភៈ របស់កងទ័ពមីយ៉ាន់ម៉ា និងបង្ហោះគាំទ្រដល់ដំណើរការមិនគោរពច្បាប់ស៊ីវិល ដោយអំពាវនាវឲ្យមន្ត្រីរដ្ឋាភិបាលធ្វើកូដកម្មថែមទៀតផង ៕
ប្រែសម្រួលដោយ ៖ ជីវ័ន្ត
ប្រភព ៖ MGR Online
ចុចអាន ៖ សារព័ត៌មានល្បីៗលើលោកចុះផ្សាយព្រោងព្រាតពីដំណើររបស់សម្ដេចតេជោ ហ៊ុន សែន ទៅកាន់ មីយ៉ាន់ម៉ា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
កីឡា៩ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ