សន្តិសុខសង្គម

ឃើញប្ដីមិននៅ ចូលចាប់រំលោភប្រពន្ធគេដល់ក្នុងផ្ទះរហូតបានសម្រេច

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

ជនសង្ស័យម្នាក់ដែលល្មោភតណ្ហា ត្រូវបានកម្លាំងអធិការដ្ឋាននគរបាលស្រុករុក្ខគិរី ធ្វើការឃាត់ខ្លួនទៅតាមពាក្យបណ្តឹងរបស់នារីរងគ្រោះដែលបានចោទប្រកាន់ថា បានចាប់រំលោភនាងរហូតបានសម្រេច ខណៈប្តីនាងមិននៅ។ ករណីរំលោភសេពសន្ថវៈមួយបានកើតឡើង កាលពីថ្ងៃទី ១ ខែកុម្ភៈ ឆ្នាំ ២០២២ វេលាម៉ោង ១២ ថ្ងៃត្រង់ នៅចំណុចដាពង្រ ស្ថិតក្នុងភូមិបាសាក់ ឃុំបាសាក់ ស្រុករុក្ខគិរី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ គឺបានបង្កទ្បើងដោយជនសង្ស័យឈ្មោះ ខាវ សុខា ភេទប្រុស អាយុ ៣៤ ឆ្នាំ រស់នៅភូមិព្រៃព្រំ២ ឃុំរបស់មង្គល ស្រុកមោងឫស្សី ខេត្តបាត់ដំបង ឯនារីរងគ្រោះមានឈ្មោះ ច ម ន ក អាយុ ២០ ឆ្នាំ រស់នៅភូមិ ឃុំ កើតហេតុខាងលើ។

ក្រោយពេលទទួលបានពាក្យបណ្តឹងពីនារីរងគ្រោះរួចមក សមត្ថកិច្ចបានចុះឃាត់ខ្លួនជនសង្ស័យ ដើម្បីយកមកធ្វើការសាកសួរ ដោយគេបានសារភាពថា ពេលនោះគេមានអារម្មណ៍ ម្យ៉ាងដោយឃើញប្តីនាងមិននៅផ្ទះផង ទើបគេបានលបចូលទៅក្នុងផ្ទះចាប់បង្ខំរួមភេទរហូតបានសម្រេច។ បច្ចុប្បន្នក្រោយពីទទួលបានការសារភាពរួចមកកម្លាំងស្រុកបានកសាងសំណុំរឿង បញ្ជូនទៅកាន់ការិយាល័យជំនាញ នៃស្នងការដ្ឋាននគរបាលខេត្តបាត់ដំបង ហើយ ដើម្បីចាត់ការតាមនីតិវិធីបន្ត៕

អត្ថបទ៖ សោ និយមរ័ត្ន

Related Topics:រំលោភសេពសន្ថវៈ