ព័ត៌មានអន្ដរជាតិ

អ្នកវិទ្យាសាស្ត្រចិនផលិតឧបករណ៍តេស្តកូវីតដឹងលទ្ធផលលឿនទាន់ចិត្ត និងត្រឹមត្រូវឥតខ្ចោះ

បានផុស

៤ years មុន

នៅ

ថ្ងៃអង្គារ ៨ កុម្ភៈ ២០២២

ដោយ

អ្នកវិទ្យាសាស្ត្រចិនបាននិយាយថា ពួកគាត់បានផលិតឧបករណ៍តេស្តកូវីដថ្មីដែលមានប្រសិទ្ធភាពត្រឹមត្រូវឥតខ្ចោះដូចតេស្ត PCR ដែរ ប៉ុន្តែអ្វីដែលពិសេសគឺប្រើពេលមិនដល់៤នាទីផងទទួលបានលទ្ធផលភ្លាម។

ឧបករណ៍តេស្តប្រតិកម្មខ្សែសង្វាក់ (PCR) ត្រូវបានពិចារណ៍ទូលំទូលាយថាមានប្រសិទ្ធភាពខ្ពស់បំផុតសម្រាប់វីរុសកូវីដ-១៩ ប៉ុន្តែចំណាយពេលច្រើនម៉ោង។ ប្រទេសខ្លះមានបញ្ហាធ្ងន់ធ្ងរសម្រាប់តម្រូវការធ្វើតេស្តច្រើនដែលជំរុញឲ្យមានការរាលដាលខ្លាំងដោយវីរុសបំប្លែងខ្លួន Omicron។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវនៅសាកលវិទ្យាល័យ Fudan ក្នុងទីក្រុងស៊ាងហៃបាននិយាយថា ពួគគេមានជម្រើសហើយ។ នៅក្នុងអត្ថបទចេញផ្សាយកាលពីថ្ងៃចន្ទនៅក្នុងទិនានុប្បវត្តិវិស្វកម្មជីវវេជ្ជសាស្ត្រធម្មជាតិ (NBE) ក្រុមស្រាវជ្រាវបាននិយាយថា ឧបករណ៍ចាប់សញ្ញារបស់ពួកគេដែលប្រើមីក្រូអេឡិចត្រូនិកដើម្បីវិភាគលើសមាធាតុហ្សេនពី swabs អាចកាត់បន្ថយពេលវេលាតេស្តកូវីដ-១៩ច្រើនណាស់។

ក្រុមស្រាវជ្រាវបាននិយាយក្នុងឯកសារយោងទៅលើឈ្មោះកូវីដ-១៩ថា ៖«យើងបានអនុវត្តឧបករណ៍ចាប់សញ្ញាជីវគីមីអេឡិចត្រូមេកានិកសម្រាប់ស្វែងរកវីរុស SARS-CoV-2 ចូលទៅក្នុងឧបករណ៍គំរូរួមបញ្ចូលគ្នា និងចល័ត ហើយបង្ហាញថា រកឃើញវីរុសកូវីដក្នុងរយៈពេលមិនដល់៤នាទីផង»។

ពួកគាត់និយាយថា វិធីសាស្ត្ររបស់ពួកជួយពន្លឿន ការអនុវត្តស្រួល ភាពប្រែប្រួលខ្ពស់ និងចល័ត។ ការសាកល្បងរបស់ពួកគេពាក់ព័ន្ធនឹងធ្វើតេស្តមនុស្ស៣៣នាក់នៅទីក្រុងស៊ាងហៃដែលបានឆ្លងកូវីដ និងមានការធ្វើតេស្តដោយឧបករណ៍ PCR ស្របជាមួយគ្នា។

យោងតាមអត្ថបទផ្សាយថា លទ្ធផលនៃការធ្វើតេស្តដោយវិធីសាស្ត្ររបស់ពួកគេត្រឹមត្រូវឥតខ្ចោះដូចនឹងការធ្វើតេស្តដោយ PCR ដែរ។

ការសិក្សារបស់ពួកគេពាក់ព័ន្ធនឹងការធ្វើសំណាក់មនុស្ស៥៤នាក់ដែលមានទាំងអ្នកក្តៅខ្លួន ប៉ុន្តែមិនមែនឆ្លងកូវីដ អ្នកជំងឺផ្តាសាយ និងអ្នកស្ម័គ្រចិត្ត។ ពួកគាត់និយាយថា ករណីទាំងនោះមិនមានលទ្ធផលមិនត្រឹមត្រូវណាមួយឡើយ៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសចិន កូវីដ-១៩

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា