កីឡា
ក្រោយចាញ់ Rodtang ដោយពិន្ទុ Williams គ្រោងផ្តួលខ្លាចាស់ថៃ Dejdamrong ទឹកទី៣
កីឡាករចិត្តសឿង Danial Williams គ្រោងបញ្ឈប់ខ្លាចាស់ថៃអាយុជាង៤០ឆ្នាំ Dejdamrong ក្នុងទឹកទី៣ ក្នុងជំនួបគុនចម្រុះនៅព្រឹត្តិការណ៍ប្រកួត ONE: BAD BLOOD នាថ្ងៃសុក្រ ទី១១ ខែកុម្ភៈនៅប្រទេសសិង្ហបុរី។
កីឡាករ Danial Williams បានប្រកួតក្បាច់ឃីកបុកសីងចាញ់ជើងឯកមួយថៃពិភពលោករហស្សនាម«មនុស្សដែក» Rodtang Jitmuangnon ដោយពិន្ទុប៉ុណ្ណោះកាលពីខែមេសា ឆ្នាំ២០២១។
ការប្រកួតនោះទទួលបានការចាប់អារម្មណ៍យ៉ាងខ្លាំងពីអ្នកទស្សនាដោយសាររូបគេពោរពេញដោយស្មារតីរឹងមាំ និងហ៊ានតទល់មិនថយក្រោយជាមួយជើងខ្លាំងថៃ Rodtang ដែលជាជើងឯកពិភពលោក ហើយចាញ់ត្រឹមពិន្ទុប៉ុណ្ណោះ ខណៈមុនការប្រកួត មនុស្សភាគច្រើនគិតថា រូបគេមិនអាចស៊ូបាន៣ទឹក។ ការប្រកួតដ៏ជក់ចិត្តរបស់គាត់ជាមួយ Rodtang បានក្លាយជាការប្រកួតល្អបំផុតប្រចាំឆ្នាំ២០២១ផ្នែកឃីកបុកសីង។
សម្រាប់ថ្ងៃសុក្រ ទី១១ ខែកុម្ភៈនេះ Danial វិលមកកាន់សង្វៀនជួបខ្លាចាស់កំពូលល្បិចថៃ Dejdamrong So Amnuaysirichoke ដោយប្រកួតលក្ខណៈគុនចម្រុះ (MMA) វិញម្តង។ អ្នកទាំងពីរអាយុខុសគ្នាឆ្ងាយណាស់ពោលគឺកីឡាករអូស្ត្រាលីអាយុ២៨ឆ្នាំ ខណៈកីឡាករថៃអាយុ៤៣ឆ្នាំ។
កីឡាករអូស្ត្រាលីបាននិយាយថា «ការប្រកួត ONE គឺជាអ្វីដែលខ្ញុំចង់ខ្លាំងបំផុត។ ចាំមើលទៅនឹងក្លាយជាការប្រកួតដ៏អស្ចារ្យ។ ខ្ញុំនឹងធ្វើឲ្យអ្នកគាំទ្រហើបគូថពីកៅអី»។ «មែនទែនទៅ ពេលខ្ញុំវ៉ៃ គឺខ្ញុំនឹកគិតដល់អ្នកមើល។ ខ្ញុំចង់ឲ្យអ្នកមើលទទួលបានការប្រកួតដ៏ពេញចិត្ត រំភើបរីករាយ»។
កីឡាករបន្តថា «ខ្ញុំនឹងប្រកួតជាមួយ Dejdamrong ឲ្យចាប់អារម្មណ៍ខ្លាំង ដូចខ្ញុំប្រកួតជាមួយ Rodtang»។
ការប្រកួតជាមួយរៀមច្បងដែលមានអាយុច្រើនជាងខ្លួនរហូតដល់ជាង១០ឆ្នាំគឺជាអ្វីដែល Danial ជឿថា រូបគេមិនចាញ់ឡើយ ហើយនឹងបញ្ឈប់ដៃគូបានទៀតផង។ កីឡាករឲ្យដឹងថា ៖«Dejdamrong ជាជើងឯកមួយថៃពិភពលោកមុនដំបូងគេដែលខ្ញុំស្គាល់ ហើយគាត់ធ្លាប់ឈ្នះជើងឯកគុនចម្រុះពិភពលោកទៀតផង។ គាត់ជាអ្នកប្រដាល់ម្នាក់ដែលជំរុញទឹកចិត្តខ្ញុំ។ ខ្ញុំសង្ឃឹមដើរតាមគន្លងគាត់ដែលជោគជ័យមួយថៃហើយជោគជ័យគុនចម្រុះទៀត»។ «ក្នុងការប្រកួតកម្រិតពិភពលោកបែបនេះ ខ្ញុំបានដាក់គោលដៅដើម្បីបញ្ឈប់គាត់នៅក្នុងទឹកទី៣។ នោះនឹងក្លាយជាការប្រកួតដ៏អស្ចារ្យ»៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ៧ ថ្ងៃ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម