ព័ត៌មានជាតិ
ស្រុកអង្គរជុំ នឹងក្លាយជាស្រុកដំបូងគេ ដែលឈប់ការបន្ទោបង់ពាសវាលពាសកាល
រដ្ឋបាលខេត្តសៀមរាបបានប្រកាសថា ស្រុកអង្គរជុំ នឹងក្លាយជាស្រុកដំបូងគេដែលត្រូវបញ្ឈប់បន្ទោរបង់ពាសវាលពាសកាលទាំងស្រុងដោយសារតែប្រជាជនមានការយល់ដឹងពីទម្លាប់អនាម័យ។
លោក យី គឹមថាន នាយករងប្រចាំប្រទេសផ្នែកកម្មវិធីអង្គការភ្លែនអន្តរជាតិកម្ពុជា មានប្រសាសន៍ថា ស្រុកអង្គរជុំជាស្រុកមួយដំបូងគេបំផុត នៅខេត្តសៀមរាប ដែលឈប់បន្ទោបង់ពាសវាលពាសកាល។ លទ្ធផលដែលសម្រេចបាន គឺកើតចេញពីកិច្ចសហការល្អរបស់អាជ្ញាធរ ភូមិ ឃុំ ស្រុក ជាមួយនឹងដៃគូអភិវឌ្ឍន៍នានាផងដែរ។ លោកបន្តថា ដោយឡែករដ្ឋបាល ឃុំ មានវិភាគទានថវិកាមូលនិធិហើយបានចូលរួមសាងសង់បង្គន់នឹងបានផ្សព្វផ្សាយពីអនាម័យផងដែរ។
ទន្ទឹមនឹងនេះ នាយករងប្រចាំប្រទេសនៃអង្គការភ្លែនអន្តរជាតិកម្ពុជាបន្ថែមទៀតថា ក្រៅពីការសាងសង់បង្គន់ អាជ្ញាធរ ឃុំ និងស្រុក បានលើករបៀបវារៈការងារទឹកស្អាតនិងអនាម័យក្នុងកិច្ចប្រជុំក្រុមប្រឹក្សាជាប្រចាំខែ និងមានការគាំទ្របច្ចេកទេសពីក្រសួងនិងមន្ទីរអភិវឌ្ឍន៍ជនបទអង្គការបណ្តុះបណ្តាលកុមារនិងអង្គការភ្លែនអន្តរជាតិផងដែរ។
គួររំលឹកថា ការលើកកម្ពស់អនាម័យមិនគ្រាន់តែជាការកសាងបង្គន់ប៉ុណ្ណោះទេ ប៉ុន្តែវាជាការអប់រំមួយដើម្បីផ្លាស់ប្ដូរទម្លាប់បញ្ឈប់ការបន្ទោបង់ពាសវាលពាសកាល និងផឹកទឹកស្អាតមានសុវត្ថិភាព ទម្លាប់លាងសម្អាតដៃជាមួយសាប៊ូជានិច្ច។ នេះជាការបញ្ជាក់ពីនាយករងប្រចាំប្រទេសកម្មវិធីអង្គការភ្លែនអន្តរជាតិកម្ពុជា។
គួរបញ្ជាក់ថា ស្រុកអង្គរជុំគឺជាស្រុកមួយក្នុងចំណោមស្រុកទាំង១២នៅខេត្តសៀមរាប ស្រុកនេះមាន ឃុំ ចំនួន៧មាន៨៦ភូមិមានប្រជាជនរស់នៅចំនួន១៥ ៧០០ខ្នងផ្ទះ។ កាលពីថ្ងៃទី២៣ ខែធ្នូ កន្លងទៅ គណៈកម្មការវាយតម្លៃដែលមានសមាសភាពពីក្រសួងអភិវឌ្ឍន៍ជនបទនិងបណ្ដាលស្រុកជិតខាង បានធ្វើការវាយតម្លៃ ស្រុក អង្គរជុំថា ជាស្រុកដំបូងដែលបានបញ្ឈប់ការបន្ទោរបង់ពាសវាលកាលODF ទាំងស្រុង៕
អត្ថបទ៖ រុងរឿង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ