ព័ត៌មានជាតិ

អាជ្ញាធរ ចុះបាញ់ថ្នាំសម្លាប់មេរោគនៅផ្សារច្បារអំពៅ ជាទីតាំងដែលស្ត្រីម្នាក់ដោះស្បែកជើងវាយសន្តិសុខ

បានផុស

៥ years មុន

នៅ

ថ្ងៃអាទិត្យ ១៣ ធ្នូ ២០២០

ដោយ

អាជ្ញាធរខណ្ឌច្បារអំពៅ បានចុះបាញ់ថ្នាំសម្លាប់មេរោគនៅក្នុង និងក្រៅបរិវេណផ្សារបន្លែច្បារអំពៅជាទីតាំងដែលស្ត្រីម្នាក់ដោះស្បែកជើងវាយសន្តិសុខផ្សារ។ ក្នុងនោះ ដោយសារតែសន្តិសុខយកម៉ាស់ឲ្យពាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពី លោក សាន់ ប៊ុនណា ប្រធានគ្រប់គ្រងផ្សារបន្លែច្បារអំពៅបានឲ្យដឹងនៅថ្ងៃទី១៣ ខែធ្នូនេះថា ការចុះបាញ់ថ្នាំសម្លាប់មេរោគក្នុងផ្សារបន្លែនេះ គឺតាមការណែនាំរបស់ លោក ឃួង ស្រេង អភិបាលរាជធានីភ្នំពេញ ឲ្យគណៈកម្មការផ្សារទាំងអស់ ត្រូវធ្វើការបាញ់ថ្នាំសម្លាប់មេរោគនៅផ្សារឲ្យបានញឹកញាប់ ដើម្បីសម្លាប់មេរោគគ្រប់ប្រភេទ មិនថាកូវីដ-១៩ ឬរោគផ្សេងៗ។

ក្នុងនោះដែរ បងប្អូនអាជីវករក្នុងផ្សារ បានត្រេកអរដោយសារគណៈគ្រប់គ្រងផ្សារបន្លែច្បារអំពៅ ក៏ដូចជាអាជ្ញាធរខណ្ឌច្បារអំពៅ បានចុះបាញ់ថ្នាំសម្លាប់មេរោគក្នុងផ្សារបានញឹកញាប់បែបនេះ។

បន្ថែមពីនោះ អ្វីជាក្តីបារម្ភនោះ គឺគណៈគ្រប់គ្រងផ្សារបានជំរុញឲ្យបងប្អូនទាំងអស់មិនថាអ្នកមាន ឬអ្នកក្រ ត្រូវពាក់ម៉ាស់ឲ្យបានគ្រប់ៗគ្នា។ កុំធ្វើដូចស្ត្រីម្នាក់ដែលមិនពាក់ម៉ាស់ ហើយសន្តិសុខផ្សារយកម៉ាស់ឲ្យពាក់ បែរជាជេរប្រទេច រួចដោះស្បែកជើងវាយសន្តិសុខផ្សារថែមទៀត។ បងប្អូនអាជីវករមិនគាំទ្រនូវសកម្មភាពដ៏គឃ្លើនរបស់ស្ត្រីរូបនោះឡើយ។

គួរបញ្ជាក់ថា ទង្វើរបស់ស្ត្រីដែលដោះស្បែកជើងវាយសន្តិសុខផ្សារកន្លងមក គឺធ្វើឲ្យមហាជនយ៉ាងច្រើនលើសលប់មានការខឹងសម្បាទៅលើស្ត្រីរូបនោះខ្លាំងណាស់។ ខណៈដែលមនុស្សក្នុងប្រទេសកំពុងនាំគ្នាពាក់ម៉ាស់ដោយសារភ័យខ្លាចឆ្លងជំងឺដ៏សាហាវនេះ។

ផ្សារបន្លែច្បារអំពៅ គឺមានទីតាំងស្ថិតក្នុងភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ៕

អត្ថបទ ៖ នរា

Related Topics:បាញ់ថ្នាំសម្លាប់មេរោគ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា