សេដ្ឋកិច្ច

ខេត្តព្រះសីហនុប្រកាសឲ្យអាជីវករប្រើឧបករណ៍នេសាទសិប្បកម្មក្នុងដែននេសាទសមុទ្រ មកបង់ថ្លៃឈ្នួលនេសាទសម្រាប់ឆ្នាំ២០២១

បានផុស

៦ years មុន

នៅ

ថ្ងៃអង្គារ ១៥ ធ្នូ ២០២០

ដោយ

មន្ទីរកសិកម្មរុក្ខាប្រមាញ់និងនេសាទខេត្តព្រះសីហនុ បានជួនដំណឹងដល់អាជីវករដែលប្រើឧបករណ៍ នេសាទសិប្បកម្មក្នុងដែននេសាទសមុទ្រត្រូវមកបំពេញបែបបទ ស្នើសុំលិខិតអនុញ្ញាត ធ្វើអាជីវ កម្មនេសាទ លិខិតអនុញ្ញាតប្រើប្រាស់កាណូតនេសាទ និងបង់ថ្លៃឈ្នួលនេសាទនៅមន្ទីរកសិកម្មខេត្ត ចាប់ពីថ្ងៃទី០១ ខែមករា រហូតដល់ថ្ងៃទី៣១ខែមីនា ឆ្នាំ២០២១ ខាងមុខជាកំហិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹង ស្ដីពីការប្រមូលប្រាក់ថ្លៃឈ្នួលដែននេសាទសមុទ្រប្រចាំឆ្នាំ២០២១របស់មន្ទីរកសិកម្មរុក្ខាប្រមាញ់និងនេសាទខេត្តព្រះសីហនុបានឲ្យដឹងថា«ក្នុងករណីខកខានមិនបានមកបំពេញបែបបទស្នើសុំអនុញ្ញាតដូចបានជម្រាបជូនខាងលើនឹងមិនបានបង់ថ្លៃឈ្នួលលើឧបករណ៍នេសាទសិប្បកម្មសមុទ្រនេះទេ មន្ទីរកសិកម្មរុក្ខាប្រមាញ់និងនេសាទខេត្តព្រះសីហនុនឹងសហការជាមួយសមត្ថកិច្ចពាក់ព័ន្ធដើម្បីចាត់វិធានការតាមនីតិវិធីច្បាប់ជាធរមាន»។

យ៉ាងណាក៏ដោយមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុ សង្ឃឹមនិងជឿជាក់ថា អាជីវ ករដែលប្រើឧបករណ៍នេសាទសិប្បកម្មសមុទ្រទាំងអស់ នឹងចូលរួមសហការនិងអនុវត្តតាម សេចក្តី ជូនដំណឹងនេះ ឲ្យមានប្រសិទ្ធភាពជាមិនខានឡើយ។

បើតាមសេចក្តីប្រកាសអន្តរក្រសួង រវាងក្រសួងកសិកម្មរុក្ខាប្រមាញ់និងនេសាទ និងក្រសួងសេដ្ឋកិច្ចនិងហិរញវត្ថុ ចុះថ្ងៃទី១៨ខែធ្នូ ឆ្នាំ២០១៥ បានបញ្ជាក់ថា មានឧបករណ៍នេសាទសិប្បកម្មក្នុងដែននេ សាទសមុទ្រដែលត្រូវបង់ថ្លៃឈ្នួលសរុបចំនួន២៦មុខដោយមិនគិតឧបករណ៍នេសាទដែលធ្វើជាលក្ខណៈគ្រួសារទេ៕

អត្ថបទ ៖ សំអឿន

Related Topics:ខេត្តព្រះសីហនុ