ជីវិតកម្សាន្ដ

សាយ ស្កាត់ទៅជួបកុមារខ្វះខាត ៥ ភូមិ នៅរតនគិរី ដើម្បីធ្វើរឿងមួយនៅសាលាខ្លួនធ្លាប់រៀន

បានផុស

៣ years មុន

នៅ

ថ្ងៃអង្គារ ៥ មេសា ២០២២

ដោយ

តារាចម្រៀងប្រុស Original Song លោក អួន បឋម ហៅ សាយ បច្ចុប្បន្នត្រូវបានគេមើលឃើញថា លោកកាន់តែមានការគាំទ្រ និងមានប្រជាប្រិយភាពខ្លាំង តាមរយៈការងារសប្បុរសធម៌ជួយសង្គម និងវិស័យសិល្បៈជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានៃសន្ទុះការគាំទ្រកាន់តែហក់ឡើងនេះដែរ តារាចម្រៀង សាយ បានប្រាប់ឲ្យដឹងថា ដើម្បីអបអរឱកាសឆ្នាំថ្មីនិងចែករំលែកក្តីស្រលាញ់ចំកុមារ និងក្មេងៗជួបការខ្វះខាតនោះកាលពីថ្មីៗនេះលោកបានទៅខេត្តរតនគិរី ដោយនាំយកអំណោយ និងសម្ភារៈសិក្សាមួយចំនួនទៀតចែកជូនដល់ពួកគាត់រស់ នៅទីនោះ។

លោកសាយបានបញ្ជាក់ថា ២ ថ្ងៃមុនខ្ញុំបានចូលរួមរៀបចំជូនជាអំណោយសម្ភារៈការសិក្សា និងចំណីអាហារខ្លះៗទៅកាន់ក្មេងៗសិក្សានុសិស្ស ដែលមានជីវភាពខ្សត់ខ្សោយមកពី ៥ ភូមិ នៅក្នុងខេត្តរតនគិរី (កម្មវីធីខួបរបស់ Zing RunwithSai) ដែលប្រព្រឹត្តនៅក្នុងសាលាបឋមសិក្សាប៊ូថងទេសអន្លុង ដែលជាសាលាខ្ញុំធ្លាប់រៀនបានមួយឆ្នាំកាលថ្នាក់ទី ៣ ក៏ចៃដន្យបានជួបលោកគ្រូ Ouk Sannដែលជាលោកគ្រូធ្លាប់បង្រៀនខ្ញុំនាពេលនោះ។

លោកបន្តថាបច្ចុប្បន្នលោកគ្រូជានាយកសាលា នៅក្នុងសាលាបឋមសិក្សាមួយនេះ ឆ្លៀតឱកាសនេះខ្ញុំ បាទ សាយ សូមអរគុណដល់លោកគ្រូដែលបានបង្រៀនខ្ញុំ និងបានធ្វើជាលោកគ្រូល្អនាយកសាលាល្អអភិវឌ្ឍន៍សាលាបឋមសិក្សាមួយនេះយ៉ាងល្អ ស្អាតខុសប្លែកពីកាលជាង ២០ ឆ្នាំមុន៕

អត្ថបទ៖ ចាន់រ៉ា