រុស្ស៊ី មិនឈប់បាញ់ទេ មុនកិច្ចចរចាសន្តិភាពលើកក្រោយជាមួយ អ៊ុយក្រែន (មានវីដេអូ)

រដ្ឋមន្ត្រីការបរទេសរុស្ស៊ី លោក Sergei Lavrov និយាយថា ទីក្រុងមូស្គូនឹងមិនផ្អាកប្រតិបត្តិការយោធារបស់ខ្លួនឡើយ មុនពេលកិច្ចចរចាសន្តិភាពលើកក្រោយជាមួយអ៊ុយក្រែន។

ប៉ុន្តែនៅក្នុងបទសម្ភាសន៍ជាមួយប៉ុស្តិ៍ព័ត៌មាន Rossiya-24 លោកនិយាយថា លោកមិនឃើញហេតុផលថាតើហេតុអ្វីបានជាកិច្ចពិភាក្សាមិនគួរដំណើរការទៅមុខនោះទេ។

តាមការដកស្រង់ដោយសារព័ត៌មាន Tass, លោក Lavrov លើកឡើងថា “ប្រធានាធិបតី Vladimir Putin បានសង្កត់ធ្ងន់លើឱកាសច្រើនជាងមួយ ដែលយើងចង់ពិភាក្សា”។

ស្របពេលជាមួយគ្នានោះដែរ ដោយនិយាយការពារការលុកលុយរបស់រុស្ស៊ី លោក Lavrov អះអាងថា វាមានផលប៉ះពាល់លើសពីអ៊ុយក្រែនទៅទៀត។ 

យោងតាមលោក Lavrov, “ប្រតិបត្តិការយោធាពិសេសរបស់យើង ត្រូវបានរចនាឡើងដើម្បីបញ្ចប់ការពង្រីកដោយមិនប្រុងប្រយ័ត្ននៃគោលបំណងរបស់សហរដ្ឋអាមេរិកសម្រាប់ការត្រួតត្រាពេញលេញ នៅក្នុងឆាកអន្តរជាតិ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ឥណ្ឌា ជំរុញឲ្យលោក Putin និង Zelensky ជួបគ្នាដោយផ្ទាល់