រុស្ស៊ី មិនធ្វើសង្គ្រាមនុយក្លេអ៊ែរជាមួយប្រទេសណាទេ ពិសេសលោកខាង លិច និងអ៊ុយក្រែន

រដ្ឋមន្ត្រី​ការបរទេស​រុស្ស៊ី​លោក Sergei Lavrov បាននិយាយថា ប្រទេសរុស្ស៊ីមិនគំរាមកំហែងប្រទេសណាមួយ ជាពិសេសលោកខាងលិច និងអ៊ុយក្រែន ជាមួយនឹងសង្គ្រាមនុយក្លេអ៊ែរនោះទេ ។

លោក Lavrov បានប្រាប់ទូរទស្សន៍ Al Arabiya ក្នុងបទសម្ភាសន៍មួយកាលពីថ្ងៃសុក្រថា លោកក៏បាន​អំពាវនាវ​ដល់​ប្រទេស​មហាអំណាច​នុយក្លេអ៊ែរ​ទាំង ៥ ឲ្យ​ប្ដេជ្ញា​កាត់​បន្ថយ​សង្គ្រាម​នុយក្លេអ៊ែរផងដែរ ។

លោក Lavrov បានសង្កត់ធ្ងន់ថា “យើងមិនដែលលេងជាមួយគំនិតដ៏គ្រោះថ្នាក់នេះនោះទេ ។ យើងទាំងអស់គ្នាត្រូវតែប្តេជ្ញាចិត្តចំពោះសេចក្តីថ្លែងការណ៍នៃ “មហាអំណាចនុយក្លេអ៊ែរទាំង ៥” ដូច្នេះសង្រ្គាមនុយក្លេអ៊ែរមិនអាចត្រូវបានបង្កឡើងឡើយ” ។

លោក Lavrov បាននិយាយបន្តទៀតថា ទីក្រុងមូស្គូមិនចាត់ទុកខ្លួនឯងថាកំពុងធ្វើសង្រ្គាមជាមួយណាតូទេ ព្រោះវានឹងក្លាយជាជំហានដែលនឹងបង្កើនហានិភ័យនៃអ្វីដែលយើងទើបតែបានពិភាក្សាពីសង្គ្រាមនុយក្លេអ៊ែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រទេស អាស៊ាន មួយនេះអះអាងថា លោក Putin នឹងចូលរួមកិច្ចប្រជុំ G20