សុខភាព
ឈឺជង្គង់ និងការព្យាបាលតាមបែបទំនើប
ជាការព្យាបាលដោយចលនា ស្អំសរសៃ តាមរយៈការធ្វើដោយដៃ ដោយម៉ាស៊ីនស្អំ ម៉ាស៊ីន Ultrasound និងធ្វើលំហាត់មួយចំនួនទៀត ដើម្បីពង្រឹងសន្លាក់សាច់ដុំ។
ក) មូលហេតុ នៃការឈឺជង្គង់ស្រួចស្រាវបណ្ដាលមកពី ៖
– ប៉ះទង្គិច ឬដួលបុកលើជង្គង់
– គ្រេចរមួលជង្គង់ដោយសាររត់លេងកីឡា
– រងរបួសដោយការប្រើកម្លាំងហួសហេតុ (ធ្វើសកម្មភាពខ្លាំងពេក ដូចជារត់ ជិះកង់ដួល ឬមកពីកត្តាផ្សេងៗទៀត)
ខ) ការឈឺចាប់ និងគ្រេចជង្គង់អាចការពារបានដោយ ៖
– ហាត់ធ្វើចលនាជង្គង់មុនចាប់ផ្ដើម និងក្រោយលេងកីឡា
– ថែរក្សាឲ្យបានល្អនូវផ្នែកខាងក្រោមដងខ្លួន អវយវៈក្រោម ពិសេសសាច់ដុំភ្លៅផ្នែកខាងមុខសាច់ដុំផ្នែកខាងក្រោយ
– អនុវត្តឈរលើជើងមួយ ម្ខាងម្ដងៗ ដើម្បីបង្កើនកម្លាំងសាច់ដុំ និងលំនឹងជង្គង់
គ) តើការព្យាបាលដោយចលនា ត្រូវព្យាបាលយ៉ាងដូចម្ដេចខ្លះ?
ការព្យាបាលដោយចលនាផ្ដោតសំខាន់លើការបំបាត់ការឈឺចាប់ និងពិការភាពជង្គង់។ គ្រូពេទ្យ នឹងពិនិត្យពីស្ថិរភាពជង្គង់របស់អ្នក ថាមានបញ្ហាមកពីគ្រេច ថ្លោះសន្លាក់ជង្គង់ យារវែងសរសៃយាងជុំវិញជង្គង់ មានការឈឺចាប់នៅគន្លាក់ខាងក្រោយ និងសរសៃជុំវិញជង្គង់ ហើយការព្យាបាលរួមមាន៖
– ស្អំសរសៃដោយម៉ាស៊ីន Micro thermy ដើម្បីបំបាត់ការឈឺចាប់លើសរសៃជុំវិញជង្គង់
– ព្យាបាលចលនាដោយដៃ លើកន្លែងឈឺចាប់ជង្គង់
– ប្រើម៉ាស៊ីន Ultrasound therapy ដើម្បីបំបាត់ការឈឺចាប់ផ្នែកខាងក្នុងសន្លាក់ជង្គង់ និងជាសះស្បើយសរសៃដែលរបួស
– ធ្វើលំហាត់សន្លាក់ជង្គង់ ពង្រឹងសាច់ដុំជង្គង់ និងធ្វើយ៉ាងណាឲ្យជង្គង់របស់អ្នក ប្រើប្រាស់បានឡើងវិញ ទៅធ្វើការ និងលេងកីឡាបានដូចធម្មតាវិញ។
ឃ) តើនៅពេលណាទើបអាចត្រឡប់ទៅធ្វើការ និងលេងកីឡាវិញបាន ក្រោយពេលព្យាបាលជង្គង់?
គ្រូពេទ្យព្យាបាលដោយចលនា អាចព្យាបាល និងពិគ្រោះយោបល់ជាមួយអ្នកនៅក្នុងរយៈពេលពី១ ទៅ៣សប្ដាហ៍ ដែលធ្វើឲ្យមានការជាសះស្បើយសរសៃដែលរបួស និងបាត់ឈឺចាប់។ បន្ទាប់ពីព្យាបាលជាសះស្បើយ និងបាត់ការឈឺចាប់ លោកអ្នកអាចធ្វើការ និង លេងកីឡាវិញបានដូចធម្មតា។
បើបងប្អូនមានការឈឺជង្គង់តិចតួចក៏ដោយ ចូរកុំគិតថាវាគ្មានបញ្ហាអ្វីសោះ ពីព្រោះការឈឺជង្គង់អាចបង្កកាន់តែធ្ងន់ធ្ងរទៅៗ ធ្វើឲ្យយើងពិការជង្គង់ មិនអាចដើរបាន និងឈានដល់រលាកសន្លាក់ជង្គង់ រហូតដល់វះកាត់ប្ដូរសន្លាក់ជង្គង់សិប្បនិមិត្ត។ ដូចនេះការឈឺជង្គង់តិចតួច ឬបណ្ដាលមកពីគ្រេច ថ្លោះ ដោយលេងកីឡាផ្សេងៗ សូមលោកអ្នកមកទទួលការព្យាបាលដោយចលនា ស្អំសរសៃ ជាមួយគ្រូពេទ្យព្យាបាលដោយចលនានៅមន្ទីរពេទ្យកាល់ម៉ែត៕
អត្ថបទ ៖ រស្មី
ចុចអាន៖ទម្លាប់ទប់នោមញឹកញាប់ អាចជួបបញ្ហាទាំងនេះ
ចុចអាន៖ផឹកទឹកដូងតែមិនញ៉ាំសាច់ ដូចបោះចោលគុណប្រយោជន៍ទាំងនេះ
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៤ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី