ព័ត៌មានជាតិ
អភិបាលខេត្តព្រះសីហនុព្រមានទុកមុន ជនណាយកវត្ថុបុរាណរក្សាទុកមិនជូនដំណឹង
លោក គួច ចំរើន អភិបាលខេត្តព្រះសីហនុបានឲ្យដឹងថារដ្ឋបាលខេត្តព្រះសីហនុនឹងចាត់វិធានការទៅតាមផ្លូវច្បាប់ចំពោះជនណាដែលយកបុរាណវត្ថុមករក្សាទុកដោយខ្លួនឯងក្នុងចេតនាជួញដូរដោយមិនបានជួនដំណឹងដល់អាជ្ញធរមានសមត្ថកិច្ច។
តាមរយៈសេចក្តីជូនដំណឹងរបស់រដ្ឋបាលព្រះសីហនុ លោក គួច ចំរើន បានមានប្រសាសន៍ថានាពេលកន្លងមកមានបងប្អូនប្រជាពលរដ្ឋមួយចំនួនបានប្រទះឃើញបុរាណវត្ថុមិនបានរាយការណ៍ជូនអាជ្ញាធរមានសមត្ថកិច្ចហើយថែមទាំងបានប្រមូលបុរាណវត្ថុទាំងនោះមករក្សាទុកដោយខុសច្បាប់ក្នុងចេតនាសម្រាប់ការជួញដូរ។
លោកអភិបាលខេត្តបានបន្តថា«ការប្រមូលយកបុរាណវត្ថុពីក្រោមសមុទ្រទន្លេបឹងបួរក្នុងដីឬលើដីយកមករក្សាទុកដោយមិនមានការជូនដំណឹងដល់អាជ្ញាធរឬរក្សាទុកសម្រាប់ការជួញដូរគឺជាទង្វើខុសច្បាប់ដែលអាចប្រឈមនឹងការជាប់ពន្ធនាគារ។ដូច្នេះក្នុងករណីបងប្អូនបានប្រទះឃើញនូវរាល់វត្ថុបុរាណវត្ថុនៅក្នុងទឹកឬលើដីត្រូវប្រញាប់រាយការណ៍មកអាជ្ញាធរមូលដ្ឋានដើម្បីចាត់មន្ត្រីជំនាញចុះទៅសិក្សានិងពិនិត្យជាក់ស្ដែងដើម្បីប្រមូលមករក្សាទុកក្នុងមន្ទីរវប្បធម៌និងវិចិត្រសិល្បៈខេត្តព្រះសីហលោកអភិបាលខេត្តបានលើកឡើងតាមផ្លូវច្បាប់មកបញ្ជាក់ថាតាមមាត្រា៦៣ នៃច្បាប់ស្តីពីកិច្ចការពារបេតិកភណ្ឌវប្បធម៌បានចែងថាត្រូវផ្ដន្ទាទោសដាក់ពន្ធនាគារពី៦ខែទៅ ៥ឆ្នាំព្រមទាំងពិន័យជាប្រាក់តាមតម្លៃដែលអ្នកជំនាញបានប៉ាន់ស្មានចំពោះជនណាដែលបានប្រព្រឹត្តបទល្មើសដូចជាលក់ឬផ្ទេរកម្មសិទ្ធិប្ដូរទីតាំងបំផ្លាញចោលពង្រិចពង្រិលបំប្លែងរូបរាងឬជួសជុលដោយគ្មានការអនុញ្ញាតមិនបានរក្សាការពារដោយត្រឹមត្រូវនូវសម្បត្តិវប្បធម៌។
គួរបញ្ជាក់ថាកាលពីថ្ងៃទី ២៧ខែកញ្ញាឆ្នាំ២០២០កន្លងទៅក្រុមការងារជំនាញរបស់ក្រសួងវប្បធម៌និងចិត្រសិល្បៈ បានចុះទៅពិនិត្យមើលកុលាលភាជ ន៍បុរាណចំនួន២៨៤ដែលចាប់បានដោយអាជ្ញាធរខេត្តព្រះសីហនុដែលរកឃើញដោយបុរសជនជាតិវៀតណាមម្នាក់ដែលបានមុជចូលទៅបាតសមុទ្រត្រង់បរិវេណកប៉ាល់លិច។ក្រោយពីប្រទះឃើញបុរសជនជាតិវៀតណាមម្នាក់នោះមិនបានរាយការណ៍ជូនអាជ្ញាធរឡើយហើយបានប្រមូលកុលាលភាជន៍ទាំងនោះមករក្សាទុកដោយខុសច្បាប់ក្នុងចេតនាទុកសម្រាប់ការជួញដូរ។
ក្រោយមកក្រសួងវប្បធម៌និងចិត្រសិល្បៈបានស្នើដល់រដ្ឋបាលខេត្តព្រះសីហនុជួយណែនាំដល់ប្រជាពលរដ្ឋពេលប្រទេះឃើញឬរកឃើញបុរាណវត្ថុត្រូវសហការរាយការណ៍មកអាជ្ញាធរខេត្តនិងមន្ទីរជំនាញដើម្បីយកមករក្សាទុកជាសម្បត្តិបេតិកភណ្ឌជាតិ៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៥ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៤ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៥ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា១ សប្តាហ៍ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក