ព័ត៌មានជាតិ
វេទិកានិពន្ធនាយក ចាត់ទុកវិបត្តិកូវីដ-១៩ គឺជាវិញ្ញាសាដ៏សំខាន់មួយសម្រាប់វិស័យសារព័ត៌មាននៅទូទាំងពិភពលោក
នៅថ្ងៃទី១៩ ខែធ្នូ ឆ្នាំ២០២០នេះ គឺជាវេទិកានិពន្ធនាយកលើកទី១៧ ដែលក្លឹបអ្នកកាសែតកម្ពុជាបានរៀបចំឡើង ដើម្បីជួបជុំនិពន្ធនាយក នៅតាមអង្គភាពសារព័ត៌មានមួយចំនួន ដើម្បីពិភាក្សាលើបញ្ហាមួយចំនួនដែលបានកើតឡើងរយៈពេលមួយឆ្នាំកន្កងមក ហើយការជួបគ្នាសម្រាប់ឆ្នាំនេះ ក្រោមប្រធានបទស្តីពី “តួនាទីសារព័ត៌មាន ក្នុងបរិបទជំងឺរាតត្បាតសកល និងព័ត៌មានក្លែងក្លាយ”។
នៅក្នុងសេចក្តីថ្លែងការណ៏រួម ដែលត្រូវបានផ្សព្វផ្សាយនារសៀលនេះ វេទិកានិពន្ធនាយកសារព័ត៌មានកម្ពុជា (វ.ន.អ.ក) ចាត់ទុកថា វិបត្តិកូវីដ-១៩ គឺជាវិញ្ញាសាដ៏សំខាន់មួយសម្រាប់វិស័យសារព័ត៌មាននៅទូទាំងពិភពលោក ក៏ដូចជានៅក្នុងប្រទេសកម្ពុជា ដែលយើងត្រូវដកពិសោធន៍ និងត្រូវត្រៀមខ្លួនសម្រាប់ប្រឈមមុខនៅពេលដែលវិបត្តិបែបនេះកើតមាននៅពេលក្រោយ។ ជាមួយគ្នានោះ និពន្ធនាយកសារព័ត៌មានទាំងអស់ ដែលបានចូលរួមក្នុងវេទិកានិពន្ធនាយកសារព័ត៌មានកម្ពុជាលើកទី១៧ ដែលមានចំនួន៥៦នាក់ មកពី៣១ស្ថាប័ន បានកោតសរសើរ ដោយស្មោះចំពោះអ្នកសារព័ត៌មានស្ថាប័ន និងសមាគមសារព័ត៌មាន គ្រប់រូបដែលបានពុះពារគ្រប់ឧបសគ្គក្នុងការបំពេញការងាររបស់ខ្លួនបាន យ៉ាងល្អក្នុងដំណាក់កាលកូវីដ-១៩ ដោយមិនខ្លាចការនឿយហត់ និងត្រូវលះបង់សុវត្ថិភាព ផ្ទាល់ខ្លួនក៏ដោយ។
ជាមួយគ្នានោះ វេទិកានិពន្ធនាយក យល់ឃើញថា ចាប់ពីពេលនេះតទៅអ្នកសារព័ត៌មានក៏ដូចជាម្ចាស់ស្ថាប័នសារព័ត៌មាននីមួយៗត្រូវត្រៀមខ្លួនឲ្យបានល្អថែមមួយកម្រិតទៀត ដើម្បីប្រឈមមុខជាមួយហានិភ័យ ដែលអាចកើតមានជាយថាហេតុ ជាពិសេសជំងឺឆ្លងសកលកាចសាហាវណាមួយ ផ្សេងទៀតនាពេលខាងមុខ។
វេទិកានិពន្ធនាយកអះអាងថា ទោះជាស្ថិតក្នុងកាលៈទេសៈដ៏លំបាកយ៉ាងណាក៏ដោយ ក៏សារព័ត៌មាននៅតែអាចដំណើរការបានដោយមិនរាំងស្ទះឡើយ សូម្បីតែក្នុងកាលៈទេសៈដែលអ្នកសារព័ត៌មានមិនអាចចេញពីផ្ទះ ឬពីការិយាល័យបាន។ ដើម្បីបំពេញការងារពីផ្ទះឬការិយាល័យបាន អ្នកសារព័ត៌មានត្រូវមានឧបករណ៍ចាំបាច់សម្រាប់ធ្វើការទៅតាមប្រភេទ សារព័ត៌មានដែលខ្លួនបម្រើការ ដូចជា កាសែត, វិទ្យុ, ទូរទស្សន៍ ឬអនឡាញ។
បើតាមសេចក្តីថ្លែងកាណ៏របស់វេទិកានិពន្ធនាយក ចាប់ពីពេលនេះតទៅ អ្នកសារព័ត៌មាន និងម្ចាស់ស្ថាប័នសារព័ត៌មាននីមួយៗគួរចាប់ផ្តើមជជែកពិភាក្សាគ្នា ដើម្បីពិនិត្យមើលឡើងវិញនូវធនធានមនុស្ស និងធនធានសម្ភារចាំបាច់នានា ដើម្បីធានាថា ស្ថាប័នរបស់ខ្លួននៅតែអាចដំណើរការបានទោះបីជាស្ថិតក្នុងស្ថានភាពបិទប្រទេស (Lockdown ) ក៏ដោយ។ ជាមួយគ្នានោះ ក៏បានអំពាវនាវដល់ម្ចាស់ស្ថាប័នសារព័ត៌មានទាំងអស់ ពិនិត្យមើលឡើងវិញអំពីការបណ្តុះបណ្តាលធនធានមនុស្សរបស់អង្គភាពសាមី និងបំពាក់គ្រឿងឧបករណ៍ សម្ភារចាំបាច់សម្រាប់អ្នកសារព័ត៌មាន ដើម្បីឱ្យពួកគេអាចបំពេញការងារពីចម្ងាយបានប្រកបដោយប្រសិទ្ធភាព៕
កោះកែវ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ