នយោបាយ
គណបក្សប្រជាជនកម្ពុជា បានរំដោះអាយុជីវិត បងប្អូនប្រជាពលរដ្ឋកម្ពុជាចំនួន ២ លើករួចមកហើយ
គណបក្សប្រជាជនកម្ពុជាបានរំដោះអាយុជីវិត បងប្អូនប្រជាពលរដ្ឋកម្ពុជាចំនួន២លើករួចមកហើយ បន្ថែមពីនេះគណបក្សប្រជាជនកម្ពុជា ក្រោមការដឹកនាំរបស់សម្ដេចអគ្គមហាសេនាបតីតេជោហ៊ុន សែន បានធ្វើការអភិវឌ្ឍប្រទេសឲ្យមានការរីកចម្រើនរុងរឿង និងធ្វើឱ្យកម្ពុជាស្មើមុខស្មើមាត់នៅលើឆាកអន្តរជាតិថែមទៀត។ នេះជាការលើកឡើងរបស់លោកជា ពិសី ប្រធានគណបក្សប្រជាជនកម្ពុជាខណ្ឌគោក ក្នុងឱកាសចូលរួម ក្នុងពិធីប្រគុំតន្ត្រី រាំលេងកំសាន្តសប្បាយ នៃយុទ្ធនាការឃោសនាបោះឆ្នោតក្រុមប្រឹក្សាសង្កាត់ នៅសង្កាត់ទឹកល្អក់ទី១ ខណ្ឌទួលគោក កាលពីរាត្រីថ្ងៃទី២៨ឧសភានេះ។
លោកជា ពិសី បានមានប្រសាសន៍ថា គណបក្សប្រជាជនកម្ពុជាបានជួយរំដោះអាយុជីវិតប្រជាពលរដ្ឋកម្ពុជាចំនួន២លើករួចមកហើយ ក្នុងនោះទី១ គណបក្សប្រជាជនកម្ពុជាបានរំដោះអាយុជីវិតប្រជាពលរដ្ឋ នៅទូទាំងប្រទេសពីរបបប៉ុលពតនៅថ្ងៃទី ០៧ មករា ឆ្នាំ១៩៧៩ និងទី២ បានរំដោះអាយុប្រជាពលរដ្ឋទូទាំងប្រទេសដែរ ចេញពីជំងឺកូវីដ-១៩ ដោយមកដល់ពេលនេះ ប្រទេសកម្ពុជាបានបើកឲ្យដំណើរការសេដ្ឋកិច្ចជាធម្មតាឡើងវិញ។
លោកបន្តថា ថ្នាក់ដឹកនាំរបស់គណបក្សប្រជាជនកម្ពុជាគឺជាអ្នកដឹកនាំដែលនាំអោយប្រទេសមានសុខសន្តិភាព មានការអភិវឌ្ឍ មានអគារខ្ពស់ៗ។ នេះជាគុណបំណាច់របស់សម្ដេចតេជោហ៊ុន សែន។
លោក ជា ពិសី ក៏បានធ្វើការអំពាវនាវឲ្យ បងប្អូនប្រជាពលរដ្ឋទាំងអស់ត្រូវទៅចូលរួមបោះឆ្នោតនៅថ្ងៃទី០៥ខែមិថុនាឆ្នាំ ២០២២នេះទាំងអស់គ្នា ហើយបោះឆ្នោតជូនគណបក្សប្រជាជនកម្ពុជា។
លោកប៉ិច សុខឃឿន ប្រធានគណបក្សប្រជាជនកម្ពុជាសង្កាត់ទឹកល្អក់ទី១ និងជាចៅសង្កាត់ បានមានប្រសាសន៍បញ្ជាក់ថា ការប្រគំតន្ត្រីនេះគឺដើម្បីផ្សព្វផ្សាយអំពីគោលនយោបាយអភិវឌ្ឍន៍របស់សង្កាត់ ជាមួយនិងការចោទជាសំណួរផងដែរ ពាក់ព័ន្ធការអភិវឌ្ឍន៍របស់សង្កាត់ ការផ្តល់សេវាសាធារណៈជូនប្រជាពលរដ្ឋជាដើម។ ជុំវិញការចោទសួរនេះ លោកប៉ិច សុខឃឿនបាន បញ្ជាក់ថា ចំពោះការផ្ដល់សេវាជូនប្រជាពលរដ្ឋ សង្កាត់អនុវត្តបានយ៉ាងល្អប្រសើរ ទទួលបានការគាំទ្រនិងពេញចិត្ត ពេញថ្លើមពីប្រជាពលរដ្ឋ យើងបានដាក់អំពូលភ្លើងបំភ្លឺសាធារណៈ ជូនបងប្អូនប្រជាពលរដ្ឋក្នុងមូលដ្ឋាន ក្មេងអាយុ៦ឆ្នាំបានចូលរៀន ១០០% ផ្គត់ផ្គង់ទឹកភ្លើងមាន១០០% ការចាក់វ៉ាក់សាំងការពារកូវីដ-១៩ជូនប្រជាពលរដ្ឋចាប់ពីដុសទី១ដល់ដុសទី៤ បានគ្រប់គ្នា៕
អត្ថបទ៖ ស្រីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?