មកស្គាល់យុវជនជាប់ឆ្នោត​ជាមេឃុំ-ចៅសង្កាត់ វ័យក្មេងជាងគេទាំង ១០រូប

លទ្ធផល​ផ្លូវការ​នៃការបោះឆ្នោត​ជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ត្រូវបានគណៈកម្មាធិការជាតិរៀបចំការបោះឆ្នោតប្រកាសកាលពីថ្ងៃទី២៦ ខែមិថុនា ឆ្នាំ២០២២។

តាមរយៈលទ្ធផលនោះ បានបង្ហាញថា មានមេឃុំ ចៅសង្កាត់ជាយុវជន (អាយុ ៣៥ឆ្នាំចុះ) ចំនួន ៣៧នាក់ ប៉ុន្តែថ្ងៃនេះ កម្ពុជាថ្មី សូមបង្ហាញឈ្មោះមេឃុំ ចៅសង្កាត់ ដែលមានវ័យក្មេងជាងគេចំនួន ១០រូប ដូចខាងក្រោម៖

១. យុន ប្រុស (ភេទប្រុស) អាយុ ២៧ឆ្នាំ (ថ្ងៃខែឆ្នាំកំណើត៖ ២៣ តុលា ១៩៩៥)​ ជាប់ឆ្នោតជាមេឃុំ​ និងជាប្រធានក្រុមប្រឹក្សាឃុំ​ល្វែងឫស្សី ស្រុកជីក្រែង ខេត្តសៀមរាប។

២. ជៃ សុខា (ភេទប្រុស) អាយុ ២៧ឆ្នាំ (ថ្ងៃខែឆ្នាំកំណើត៖ ៥ សីហា ១៩៩៥) ជាប់ឆ្នោតជាមេឃុំ និងជាប្រធានក្រុមប្រឹក្សាឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។

៣. ហ៊ឹម សុខវណ្ណារ័ត្ន (ភេទប្រុស) អាយុ ២៩ឆ្នាំ (ថ្ងៃខែឆ្នាំកំណើត៖ ៣០ មេសា ឆ្នាំ១៩៩៣) ជាប់ឆ្នោតជាចៅសង្កាត់ និងជាប្រធានក្រុមប្រឹក្សាសង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

៤. ពិច តូច (ភេទប្រុស) អាយុ ២៩ឆ្នាំ (ថ្ងៃខែឆ្នាំកំណើត៖ ១៤ មករា ១៩៩៣) ជាប់ឆ្នោតជាមេឃុំ និងជាប្រធានក្រុមប្រឹក្សាឃុំស្រែជិះ ស្រុកសំបូរ ខេត្តក្រចេះ។

៥. ឡែម ណាត (ភេទស្រី) អាយុ ៣១ឆ្នាំ (ថ្ងៃខែឆ្នាំកំណើត៖ ៩ វិច្ឆិកា ១៩៩១) ជាប់ឆ្នោតជាមេឃុំ និងជាប្រធានក្រុមប្រឹក្សាឃុំបល្ល័ង្ក ស្រុកប្រាសាទបាគង ខេត្តសៀមរាប។

៦. ង៉ោ ពង្សទិត្យសុវណ្ណៈ (ភេទប្រុស) អាយុ ៣១ឆ្នាំ (ថ្ងៃខែឆ្នាំកំណើត៖ ១០ តុលា ១៩៩១) ជាប់ឆ្នោតជាមេឃុំ និងជាប្រធានក្រុមប្រឹក្សាឃុំស្ពានត្នោត ស្រុកជីក្រែង ខេត្តសៀមរាប។

៧. ចាន់ សុខទៀង (ភេទស្រី) អាយុ ៣១ឆ្នាំ (ថ្ងៃខែឆ្នាំកំណើត៖ ១៧ សីហា ១៩៩១) ជាប់ឆ្នោតជាមេឃុំ និងជាប្រធាន​ក្រុមប្រឹក្សាឃុំព្រែកតាសរ ស្រុកពោធិ៍រៀង ខេត្តព្រៃវែង។

៨. ធិន ភី (ភេទប្រុស) អាយុ ៣១ឆ្នាំ (ថ្ងៃខែឆ្នាំកំណើត៖ ២៨ កក្កដា ១៩៩១) ជាប់ឆ្នោតជាមេឃុំ និងជាប្រធានក្រុមប្រឹក្សា​ឃុំខ្វាវ ស្រុកជីក្រែង ខេត្តសៀមរាប។

៩. គឿន ឈឹង (ភេទប្រុស) អាយុ ៣១ឆ្នាំ (ថ្ងៃខែឆ្នាំកំណើត៖ ៣ កុម្ភៈ ១៩៩១) ជាប់ឆ្នោតជាមេឃុំ និងជាប្រធានក្រុមប្រឹក្សាឃុំខ្នារពោធិ៍ ស្រុកសូទ្រនិគម ខេត្តសៀមរាប។

១០. ឆេន កែន (ភេទប្រុស) អាយុ ៣២ឆ្នាំ (ថ្ងៃខែឆ្នាំកំណើត៖ ១០​ កញ្ញា ១៩៩០) ជាប់ឆ្នោតជាមេឃុំ និងជាប្រធាន​ក្រុមប្រឹក្សាឃុំអូរសោម ស្រុកវាលវែង ខេត្តពោធិ៍សាត់។

សូមបញ្ជាក់ផងដែរថា យុវជនដែលជាប់ឆ្នោតជាមេឃុំ ចៅសង្កាត់ ទាំង ៣៧រូប គឺមកពីគណបក្សប្រជាជនកម្ពុជា៕