ព័ត៌មានអន្ដរជាតិ

ទីបំផុត ប៉ូលិស ឡាវ ចាប់ខ្លួនក្រុមចោរបាញ់ស្ទាក់រថយន្តលើផ្លូវល្បឿនលឿន បានហើយ

បានផុស

៤ years មុន

នៅ

ថ្ងៃអង្គារ ១៤ មិថុនា ២០២២

ដោយ

ប្រតិបត្តិការរបស់សមត្ថកិច្ចខេត្តវៀងច័ន្ទប្រទេសឡាវបានឈានដល់ការចាប់ខ្លួនក្រុមចោរប្លន់ដែលបាញ់ស្ទាក់រថយន្តនៅលើផ្លូវល្បឿនលឿនភ្ជាប់ពីទីក្រុងវៀងច័ន្ទដល់ទីក្រុងវ៉ាងវៀង បានចំនួន ៧ នាក់ដែលក្នុងនោះក៏មានស្ត្រីចូលរួមសកម្មភាពនេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ Buathong Baliban ប្រធានការិយាល័យនគរបាលនៃកងបញ្ជាការរក្សាសន្តិសុខខេត្តវៀងច័ន្ទបាននិយាយថា ដោយតាមដានតម្រុយពីរថយន្តដែលប្រើប្រាស់ក្នុងការបង្កហេតុនេះ សមត្ថកិច្ចខេត្តបានរកឃើញអ្នកចូលរួមធ្វើសកម្មភាពស្ទាកក់បាញ់សរុបទាំងអស់ចំនួន ៧ នាក់ក្នុងនោះមានប្រុស ៤ នាក់ និងស្រី ៣ នាក់ ហើយពេលនេះប៉ូលិសក៏បានចាប់ខ្លួនពួកគេទាំងអស់រួចហើយផងដែរ ។

លោកវរសេនីយ៍ទោ Buathong Baliban បានបន្តថា ខណៈពេលនេះកម្លាំងសមត្ថកិច្ចបាននិងកំពុងពន្លឿនការស៊ើបអង្កេតដើម្បីទទួលបានព័ត៌មានបន្ថែម អំពីមូលហេតុដែលឈានដល់ការបង្ករហេតុទាំងនេះ ហើយសមត្ថកិច្ចនឹងធ្វើសន្និសីទសារព័ត៌មានលម្អិតនៅពេលខាងមុខម្តងទៀត បន្ទាប់ពីបញ្ចប់ការស៊ើបអង្កេត ។

គួរបញ្ជាក់ថា ករណីក្រុមចោរប្លនដែលប្រើប្រាស់អាវុធបាញ់ស្ទាក់រថយន្តនេះបានកើតឡើងកាលពីថ្ងៃទី ៥ ខែមិថុនា នៅមាត់ផ្លូវរូងក្រោមដីតាមផ្លូវល្បឿនលឿនភ្ជាប់ពីទីក្រុងវៀងច័ន្ទទៅទីក្រុងវ៉ាងវៀង ស្ថិតក្នុងភូមិសាស្ត្រខេត្តវៀងច័ន្ទ ៕

ប្រែសម្រួលដោយ ៖ គង់ សំអាន

ប្រភព ៖ MGR Online

ចុចអាន ៖ ភ្លៀងធ្លាក់មួយមេធំនៅ ហាណូយ លិចផ្លូវច្រើនកន្លែង ខូចទាំងម៉ូតូអ្នកដំណើរ