ព័ត៌មានអន្ដរជាតិ
ភ្លៀងធ្លាក់មួយមេធំនៅ ហាណូយ លិចផ្លូវច្រើនកន្លែង ខូចទាំងម៉ូតូអ្នកដំណើរ
ផ្លូវជាច្រើនកន្លែងក្នុងទីក្រុងហាណូយរបស់ប្រទេសវៀតណាមត្រូវបានជន់លិចយ៉ាងធ្ងន់ធ្ងរ បន្ទាប់ពីមានភ្លៀងធ្លាក់មួយមេធំកាលពីល្ងាចថ្ងៃចន្ទ ។
យោងតាមអ្នកយកព័ត៌មានរបស់កាសែត Tuoi Tre បានឲ្យដឹងថា ទឹកជំនន់ពីភ្លៀងធ្លាក់យ៉ាងធ្ងន់ធ្ងរនេះបានកើតឡើងនៅតាមដងផ្លូវជាច្រើនដូចជា ផ្លូវ Tran Binh, ផ្លូវ Phan Van Truong, ផ្លូវ Vuong Thua Vu, ផ្លូវ Bui Xuong Trach, ផ្លូវ Nguyen Khuyen, ផ្លូវ Phan Boi Chau និងផ្លូវ Ly Thuong Kiet ។
ចំណែករបាយការណ៍របស់ក្រុមហ៊ុនប្រព័ន្ធលូទីក្រុងហាណូយបានឲ្យដឹងថា ភ្លៀងធ្លាក់យ៉ាងគំហុកអមដោយផ្គររន្ទះ និងខ្យល់កន្ត្រាក់បានចាប់ផ្ដើមបោកបក់ពេញរាជធានីនៅម៉ោងប្រហែល ៧ និង ៣០ នាទីយប់ថ្ងៃចន្ទ ។
ក្នុងរយៈពេលត្រឹមតែ ២៥ នាទីប៉ុណ្ណោះ សង្កាត់ Cau Giay របស់ទីក្រុងហាណូយបានកត់ត្រាកម្ពស់ទឹកភ្លៀង ៦១.៨ មីលីម៉ែត្រ ខណៈភ្លៀងធ្លាក់ពី ៣០ ទៅ ៥០ មីលីម៉ែត្រត្រូវបានកត់ត្រានៅក្នុងសង្កាត់ Dong Da, សង្កាត់ Thanh Xuan និងសង្កាត់ Hoan Kiem ក្នុងរយៈពេលដូចគ្នានេះ ។
ក្រោយមកមិនបានប៉ុន្មានផង បរិមាណទឹកភ្លៀងនៅសង្កាត់ Cau Giay បានកើនឡើងដល់ ១៣២ មីលីម៉ែត្រ ខណៈទឹកជំនន់នេះក៏បណ្តាលឲ្យខូចម៉ូតូរបស់អ្នកធ្វើដំណើរតាមដងផ្លូវ ទឹកហូរចូលផ្ទះប្រជាពលរដ្ឋជាច្រើនខ្នង ហើយក៏បានបណ្ដាលឲ្យមែកឈើបាក់ធ្លាក់មកលើផ្លូវ និងស្ទះចរាចរណ៍ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ អ៊ុយក្រែន ថា រុស្ស៊ី អាចអូសបន្លាយសង្គ្រាមរយៈពេល ១ ឆ្នាំទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង