អៀ ម៉េងលិ ប្រកាសដក​ខ្លួន​ពី​ការ​ប្រឡង Miss Grand Cambodia យ៉ាង​តក់ក្រហល់ 

តារាស្រីដែលនិយមការស្លៀកពាក់សិចស៊ីខើចលើខើចក្រោមសម្ញែងសាច់ខ្ចី កញ្ញា អៀ ម៉េងលិ ហៅ អូនម៉ី ថ្មីៗនេះត្រូវបានធ្វើឲ្យមហាជននិងអ្នកគាំទ្រភ្ញាក់ផ្អើលគ្រប់គ្នា បន្ទាប់ពីឃើញនាងប្រកាសចូលប្រឡង Miss Grand Cambodia 2022។

នុងការប្រកួត Miss Grand Cambodia 2022 តារាស្រី អៀ ម៉េងលិ មានអាយុ២៤ឆ្នាំមាន​កម្ពស់ ១​ម៉ែត្រ ៧០ និង​ទម្ងន់ ៤៥ គីឡូក្រាម បាន​ប្រកាស​ការ​តាំងចិត្តខ្ពស់ដោយ​សន្យានឹងប្រឹងប្រែងឱ្យអស់ពីសមត្ថភាព ដើម្បីទទួលបានជោគជ័យ​។ ប៉ុន្តែទោះយ៉ាងណា ការបង្ហាញវត្តមានក្នុងវិធីខាងលើនោះមិនទាន់បានប៉ុន្មានផង ស្រាប់តែតារាសម្តែងរូបស្រស់សាច់ខ្ចី អៀ ម៉េងលិ បានប្រកាសដកខ្លួនវិញធ្វើឱ្យអ្នកគាំទ្រមានការខកចិត្តជាខ្លាំង។

ចំពោះការសម្រេចដកខ្លួនចេញនេះដែរគឺកញ្ញា អៀ ម៉េងលិ ក៏បានធ្វើការសុំទោសចំពោះអ្នកគាំទ្ររបស់ខ្លួនរួចហើយនិងបាននិយាយពីមូលហេតុដែលនាងដកខ្លួនចេញពីវិស័យប្រកួតប្រជែងមួយនេះថា ដោយសារមានបញ្ហាខ្លះៗហើយមួយវិញទៀត មិនមានពេលវេលាគ្រប់គ្រាន់ក្នុងការចូលរួមប្រឡងនោះឡើយ ទើបតម្រូវឲ្យនាងដកខ្លួនចេញវិញតែម្តង។

តារាស្រីកញ្ញា អៀ ម៉េងលិ បានលើកឡើងដូច្នេះថា នាងខ្ញុំ អៀ ម៉េងលិ មានដំណឹងចង់ប្រាប់បងប្អូនថា នាងខ្ញុំបានដកពាក្យចេញពី Miss Grand Cambodia ហើយមូលហេតុគឺមកពីបញ្ហាខ្លះជាពិសេសនាងខ្ញុំគ្មានពេលវេលាគ្រប់គ្រាន់អរគុណ។ សូមជម្រាបដែរថា តារាស្រីកញ្ញា អៀ ម៉េងលិ ជារឿយៗនាងតែងបង្ហាញមុខជាមួយរូបសម្ផស្សដ៏សិចស៊ីបើទោះបីជាតារាស្រីរូបនេះ រងការរិះគន់យ៉ាងចាស់ដៃពីទស្សនិកជននិងអ្នកប្រើប្រាស់បណ្តាញសង្គមក៏ដោយនោះ៕

អត្ថបទ៖ ចាន់រ៉ា