ជីវិតកម្សាន្ដ
៤ យ៉ាងគួរដឹងសម្រាប់អ្នកចង់ទៅលេងកំពតលើកដំបូង
គម្រោងដំណើរកម្សាន្តក្នុងពេលឈប់សម្រាកឬថ្ងៃបុណ្យ តើអ្នកចង់ទៅណាទេ? ចង់ទៅកំពតលេង ប៉ុន្តែមិនដឹងទៅស្នាក់នៅឯណា? ធ្វើដំណើរយ៉ាងម៉េច? ទៅទីណាខ្លះ? និងញ៉ាំអ្វីខ្លះ? អត្ថបទនេះនឹងបង្ហាញគន្លឹះខ្លីៗមួយចំនួន សម្រាប់គ្រប់គ្នាគួរដឹងក្នុងការធ្វើដំណើរទៅកំពតលើកទីមួយ!
១. មធ្យោបាយធ្វើដំណើរ
ប្រសិនបើមានពេលវេលាគ្រប់គ្រាន់ ការធ្វើដំណើរតាមរថភ្លើងដើម្បីទៅខេត្តសមុទ្រមួយនេះ ជាជម្រើសល្អមួយ។ ការធ្វើដំណើរតាមរថភ្លើង នឹងធ្វើឲ្យអ្នកបានភ្លក់រសជាតិថ្មី ក៏ដូចជាទទួលបានអារម្មណ៍ប្លែកជាមួយនឹងទេសភាពដែលអមតាមដងផ្លូវទម្រាំទៅដល់ខេត្ត។ សម្រាប់តម្លៃរថភ្លើងក្នុងម្នាក់ត្រឹមតែ ២៨០០០ រៀលប៉ុណ្ណោះ។ ប្រសិនមិនចង់ចំណាយពេលយូរតាមផ្លូវដែក អ្នកក៏អាចធ្វើដំណើរតាមរថយន្តក្រុងឬម៉ូតូខ្លួនឯង។
២. កន្លែងស្នាក់នៅ
ទៅដល់កំពត អ្នកអាចជ្រើសរើសក្នុងការស្នាក់នៅតាមចំណូលចិត្ត ដោយមានជម្រើសជាច្រើនក្នុងក្នុងខេត្តនេះ។ អ្នកអាចផ្លាស់ប្ដូរការស្នាក់នៅពីការគេងបែបសុខស្រួល មកគេងបែបធម្មជាតិ (តង់) ឬគេងក្នុងផ្ទះស្នាក់នៅតាមមាត់ព្រែក បឹងកាឡូ រីសតតូចធំ ដើម្បីទទួលបានបទពិសោធន៍ថ្មីៗ និងស្រស់ស្រាយបែបស្ងប់ស្ងាត់។ ដើម្បីប្រាកដថានឹងមានបន្ទប់តាមដែលចង់បាន អ្នកគួរកក់មុនតាមរយៈលេខទូរសព្ទ ឬ booking.com យ៉ាងហោចមួយទៅពីរថ្ងៃមុន។
៣. ការទទួលទាន
ត្បិតតែកំពតជាខេត្តសមុទ្រ តែអ្នកក៏អាចញ៉ាំអាហារផ្សេងក្រៅពីគ្រឿងសមុទ្របាន ប្រសិនមិនចំណូលសាច់ទឹកប្រៃ។ រីឯអាហារតាមដងផ្លូវពិតជាសំបូរ ទោះវាមិនសូវថ្លៃ តែមានរសជាតិមិនចាញ់ហាងធំៗប៉ុន្មានទេ។ ទីរួមខេត្តកំពតពិតជាទីក្រុងដ៏ស្រស់ស្អាតមួយរបស់កម្ពុជា ចំណែកក្នុងពេលរាត្រីក៏សែនមនោរម្យ អ្នកអាចញ៉ាំអាហារពេលល្ងាចនៅលើទូកអមជាមួយនឹងបទភ្លេងពិរោះៗនៅលើដៃសមុទ្រខេត្តផងដែរ។
៤. ទីកន្លែងកម្សាន្តក្នុងខេត្តកំពត
បើនិយាយពីកន្លែងកម្សាន្តនៅក្នុងខេត្តកំពតវិញ មិនខ្វះទេ សំខាន់ឱ្យតែលោកអ្នកមានពេលវេលាក្នុងការធ្វើដំណើរនឹងកម្លាំង។ Kpt plus សូមប្រាប់ទីកន្លែងមួយចំនួនដើម្បីជាភាពងាយស្រួលដល់លោកអ្នកមានដូចជា ភ្នំបូកគោ ត្រពាំងសង្កែ ទំនប់ម្លេច កោះសេះ ភូមិក្ដាត ទឹកធ្លាក់វាលពួច ទឹកធ្លាក់តាដា។ល៕
អត្ថបទ៖ សន ផានិត
ចុចអាន៖ ចំណាយតិចតែសប្បាយអស់ដៃ សម្រាប់អ្នកគ្រោងទៅមណ្ឌលគិរីបែបផ្សងព្រេង
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ