ព័ត៌មានអន្ដរជាតិ

ទីបំផុត លោក ពូទីន ដាក់បញ្ចូលតំបន់ទាំង ៤ ជាទឹកដីរបស់ រុស្ស៊ី

បានផុស

២ years មុន

នៅ

ថ្ងៃសៅរ៍ ១ តុលា ២០២២

ដោយ

លោកពូទីន បានប្រកាសតំបន់ចំនួន ៤ ជាផ្នែកមួយរបស់រុស្ស៊ី ខណៈលោកបានប្រមូលផ្តុំមនុស្សរាប់ពាន់នាក់នៅឯទីលានក្រហម នៃទីក្រុងមូស្គូ ដើម្បីអបអរសាទរការបញ្ចូល Donetsk, Kherson, Luhansk និង Zaporizhzhia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីវ្ល៉ាឌីមៀ ពូទីន បាននិយាយថា “ប្រជាជនបានងាកទៅរកការបោះឆ្នោតប្រជាមតិ ហើយបានជ្រើសរើសជម្រើសនេះ ដើម្បីនៅជាមួយប្រទេសកំណើតជាប្រវត្តិសាស្ត្ររបស់ពួកគេ ជាមួយប្រទេសរុស្ស៊ី”។ លោកបានបន្ថែមថា ទាហានរុស្ស៊ីនឹងការពារទឹកដីទាំងនោះដោយកម្លាំង និងគ្រប់មធ្យោបាយទាំងអស់។

ដោយឡែកប្រធានាធិបតីអ៊ុយក្រែន លោក Volodymyr Zelensky បានហៅការកាន់កាប់នេះថាជាអំពើឧក្រិដ្ឋ។បន្ទាប់ពីលោកថា “រុស្ស៊ីព្យាយាមលួចអ្វីដែលមិនមែនជាកម្មសិទ្ធិរបស់ខ្លួន ហើយចង់សរសេរប្រវត្តិសាស្ត្រឡើងវិញ និងកំណត់ព្រំដែនឡើងវិញ ដោយប្រើឃាតកម្ម ការគំរាមកំហែង ការធ្វើទារុណកម្ម និងការភូតកុហក។ អ៊ុយក្រែននឹងមិនអនុញ្ញាតឲ្យរឿងនេះកើតឡើងទេ”។

គួរបញ្ជាក់ដែរថា កាលពីថ្ងៃសុក្រលោក Zelensky បានចុះហត្ថលេខាជាផ្លូវការលើឯកសារដើម្បីចូលរួមជាមួយណាតូ។ លោកបាននិយាយថាពាក្យសុំនេះស្ថិតនៅក្រោម “នីតិវិធីដែលបានពន្លឿន” ស្របពេលដែលលោកអគ្គលេខាធិការអង្គការណាតូ លោក Jens Stoltenberg បាននិយាយថា ទ្វារតែងតែបើកចំហសម្រាប់អ៊ុយក្រែនជានិច្ច៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ពូទីន ចុះហត្ថលេខា ទទួលស្គាល់តំបន់ចំនួន២ ជាទឹកដីឯករាជ្យ ក្រោយការធ្វើប្រជាមតិ