សេដ្ឋកិច្ច
លោក ហេង សួរ៖ ប្រាក់ឈ្នួលអប្បបរមាក្នុងវិស័យកាត់ដេរនៅកម្ពុជា ស្មើនឹងវៀតណាម
កម្ពុជា បានដំឡើងប្រាក់ឈ្នួលអប្បបរមាក្នុងវិស័យកាត់ដេរជារៀងរាល់ឆ្នាំ។ នៅឆ្នាំ ២០២២នេះ ប្រាក់ឈ្នួលកម្មករ-កម្មការិនីកាត់ដេរឡើងដល់ចំនួន ១៩៤ ដុល្លារ ក្នុងមួយខែ។ ដោយឡែកឆ្នាំ ២០២៣ នឹងដំឡើងដល់ ២០០ដុល្លារ ដែលចំនួននេះ ស្មើនឹងប្រាក់ឈ្នួលអប្បបរមានៅប្រទេសវៀតណាមដែរ។ នេះបើតាមការបញ្ជាក់របស់លោក ហេង សួរ អ្នកនាំពាក្យក្រសួងការងារ។
មន្រ្តីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈរូបនេះ បានបន្ថែមថា ពីមុនប្រាក់ឈ្នួលអប្បរមាកម្មករ នៅកម្ពុជា ទាបជាងប្រទេសវៀតណាម ប៉ុន្តែឥឡូវនេះស្មើគ្នា ដោយសារកម្ពុជា មានការកែទម្រង់ជាច្រើនចំណុច ដែលធ្វើឱ្យយើង[កម្ពុជា] កើនប្រាក់ឈ្នួល ដោយមិនបាត់បង់នូវភាពក្រកួតប្រជែងខ្លាំងពេកនោះទេ។
លោក ហេង សួរ បានគូសបញ្ជាក់ថា នៅប្រទេសខ្លះគេដំឡើងប្រាក់ឈ្នួលកម្មករគិតជារូបិយបណ្ណក្នុងស្រុក តែនៅពេលគិតជាប្រាក់ដុល្លារមានការថយថុះ។ ដោយឡែកនៅកម្ពុជា ការចរចាដំឡើងប្រាក់ឈ្នួលកម្មករ គិតជាប្រាក់ដុល្លារ ដូច្នេះពុំមានការខាតបង់នោះទេ នៅពេលប្តូរជារូបិយបណ្ណក្នុងស្រុក។
«កម្ពុជាដំឡើងប្រាក់ខែជាលុយដុល្លារ ដែលធ្វើឱ្យប្រាក់ខែកម្មករកម្មការិនីមិនបាត់បង់ដូចប្រទេសមួយចំនួនដែលដំឡើងប្រាក់ខែប្រចាំឆ្នាំជារូបិយបណ្ណខ្លួន»។ នេះជាការបន្ថែមរបស់លោក ហេង សួរ។
ទោះយ៉ាងណា លោកបញ្ជាក់ថា ប្រាក់ឈ្នួលកម្មករ នៅកម្ពុជា នៅក្រោមប្រទេសថៃបន្តិច ប៉ុន្តែលក្ខខណ្ឌការងារល្អ និងមានប្រាក់អត្ថប្រយោជន៍ជាច្រើនទៀត ពីលើប្រាក់ឈ្នួលគោល។
ការលើកឡើងរបស់លោក ហេង សួរ ធ្វើឡើងនៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងការងារ និងបណ្ដុះបណ្ដាលវិជ្ជាជីវៈ” នៅទីស្តីការគណៈរដ្ឋមន្រ្តី នៅថ្ងៃទី ១២ ខែ តុលា ឆ្នាំ ២០២២។
សូមបញ្ជាក់ថា កម្ពុជា មានរោងចក្រកាត់ដេរប្រមាណជិត ១៣០០រោងចក្រ កំពុងដំណើរការ និងបានបង្កើតការងារក្នុងវិស័យនេះ ដោយផ្ទាល់ជាង ៨៣ម៉ឺននាក់ និងដោយប្រយោលជិត ១លាននាក់៕
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ