ព័ត៌មានជាតិ
ត្រៀមជួសជុលផ្លូវជាតិលេខ ៣៣ ពីទីរួមខេត្តកំពតដល់ច្រកទ្វារអន្តរជាតិព្រែកចាក
លោក ជីង គួង ប្រធានមន្ទីរក្រសួងសាធារណការ និងដឹកជញ្ជូនខេត្តកំពត បានឲ្យដឹនៅថ្ងៃទី ៧ ខែវិច្ឆិកាថា កាលពីចុងសប្ដាហ៍នេះ ក្រុមការងារពាក់ព័ន្ធ បានដឹកនាំកិច្ចប្រជុំលើកដំបូង ដើម្បីត្រៀមបើកការដ្ឋានជួសជុលផ្លូវជាតិលេខ ៣៣ ពីទីរួមខេត្តកំពតដល់ច្រកទ្វារអន្តរជាតិព្រែកចាក នៅជាប់ព្រំដែនកម្ពុជា-វៀតណាម ដែលស្ថិតនៅក្នុងភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត នាពេលខាងមុខ។
កិច្ចប្រជុំនោះដឹកនាំដោយលោក ប៉ាល់ ចន្ទតារា រដ្ឋលេខាធិការក្រសួងសាធារណការ និងដឹកជញ្ជូនដោយមានការចូលរួមពីក្រុមហ៊ុនសាជីវកម្មស្ពាន និងថ្នល់ចិន និងក្រុមការងារគម្រោងបច្ចេកទេសអនុវត្ត។ នៅក្នុងឱកាសនោះ លោក ប៉ាល់ ចន្ទតារា បានណែនាំឲ្យក្រុមហ៊ុនអនុវត្តគម្រោង ត្រៀមរៀបចំការងារមួយចំនួនឲ្យបានរួចរាល់ពេលជាមុនសិន មុនពេលការបើកការដ្ឋាននឹងត្រូវធ្វើឡើងក្នុងពេលឆាប់ៗខាងមុខនេះ។
ក្នុងនោះ មានការរៀបចំបំពាក់ផ្លាកសញ្ញាចរាចរណ៍ ផ្ទាំងប៉ាណូបង្ហាញការដ្ឋាន ជាពិសេសការជួសជុលថែទាំផ្លូវ កំពុងរងការខូចខាតជាបណ្ដោះអាសន្ន ដើម្បីជៀសវាងការកកស្ទះចរាចរណ៍នៅតាមបណ្តោយផ្លូវជាតិលេខ ៣៣នេះ។
លោករដ្ឋលេខាធិការក្រសួងសាធារណការ បានសំណូមពរក្រុមការងារគម្រោងទាំងអស់ ត្រូវយកចិត្តទុកដាក់ខ្ពស់ក្នុងការអនុវត្តតួនាទី និងភារកិច្ចរបស់ខ្លួន ជាពិសេសបន្តទំនាក់ទំនង និងកិច្ចសហការល្អជាមួយគ្នា ដើម្បីធ្វើឲ្យគម្រោងជួលជុលផ្លូវជាតិលេខ ៣៣ ពីទីរួមខេត្តកំពតដល់ច្រកទ្វារអន្តរជាតិព្រែកចាកនេះ ដំណើរការទៅដោយរលូនល្អ ហើយអាចប្រើប្រាស់ផ្លូវនេះបានយូរអង្វែង៕
អត្ថបទ៖ សឹង រ៉ាត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត