ព័ត៌មានជាតិ

ដឹងតម្លៃសាងសង់ផ្លូវល្បឿនលឿនទៅបាវិត ចាយតិចជាងផ្លូវល្បឿនលឿនទៅខេត្តព្រះសីហនុ

បានផុស

២ years មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូន បានបង្ហើបពីតម្លៃក្នុងការសាងសង់ផ្លូវល្បឿនលឿនទៅបាវិត ដែលគ្រោងចាយថវិកាវិនិយោគប្រហែល ១ ៦៣៨ លានដុល្លារ។

ថ្លែងនៅក្នុងពិធីចុះហត្ថលេខាលើកិច្ចព្រមព្រៀងក្របខ័ណ្ឌ សម្រាប់គម្រោងសាងសង់ផ្លូវល្បឿនលឿនតភ្ជាប់ពីភ្នំពេញ-បាវិត រវាងរាជរដ្ឋាភិបាលកម្ពុជា និងក្រុមហ៊ុនសាជីវកម្មស្ពាន និងថ្នល់ចិន (CRBC) នាព្រឹកថ្ងៃទី១០ វិច្ឆិកា ២០២២លោករដ្ឋមន្រ្តីបានបញ្ជាក់ថា ការចំណាយវិនិយោគផ្លូវល្បឿនលឿនទៅបាវិតថោកជាងគម្រោងសាងសង់ទៅខេត្តព្រះសីហនុ ដោយសារចម្ងាយផ្លូវខ្លីជាងតែជាង ១៣៨ គីឡូម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្រ្តីបានបន្តថា គម្រោងផ្លូវល្បឿនលឿនទៅបាវិត ក៏នឹងត្រូវសាងសង់ស្ពានដ៏ធំមួយទៀតកាត់ទន្លេដែលទាំងផ្លូវទាំងស្ពានមានប្រវែងជាង ៥ គីឡូម៉ែត្រ។

លោករដ្ឋមន្រ្តីក៏លើកពីសារសំខាន់គម្រោងផ្លូវល្បឿនលឿនទៅបាវិត ជាកម្រិតផ្លូវអាស៊ានហាយវេលេខ ១ ដែលតភ្ជាប់តាំងប្រទេសចិនមកភូមា មកថៃ កម្ពុជានិងវៀតណាម។

លោករដ្ឋមន្រ្តីរំពឹងទុកដែរថា ក្នុងដំណើរទស្សនកិច្ចសម្តេចតេជោ ហ៊ុន សែន ទៅប្រទេសចិននៅពេលខាងមុខ នឹងឈានទៅចុះហត្ថលេខាសម្បទាន ដើម្បីបើកការដ្ឋានសាងសង់នៅពាក់កណ្តាលឆ្នាំ២០២៣ ហើយអាចបញ្ចប់នៅឆ្នាំ២០២៦ ឬ២០២៧៕

Related Topics:លោក ស៊ុន ចាន់ថុល