កីឡា

លោកឧកញ៉ា ហេង បូរិន ចូលរួមគាំទ្រ និងលើកស្ទួយដល់វិស័យកីឡាកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ២៩ ធ្នូ ២០២២

ដោយ

ក្រៅតែពីអ្នកជំនួញដ៏ពូកែ ឈ្លាសវៃ និងស្មោះត្រង់ម្នាក់ លោកឧកញ៉ា ហេង បូរិន អគ្គនាយក បុរី ហេង បូរិន គ្រុប ក៏ជាអ្នកចូលចិត្ត ស្រឡាញ់ និងគាំទ្រវិស័យកីឡា យ៉ាងមុតមាំផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងថ្មីៗនេះ ក្រោយកីឡាករ ធឿន ធារ៉ា ផ្ដួលគូប្រកួតត្រឹមទឹកទី ១ នៅសង្វៀន Thai Fight ឈ្នះខ្សែក្រវាត់ និងពានរង្វាន់ពីស្ដេចថៃ លោកឧកញ៉ា ហេង បូរិន បានផ្ដល់ថវិកាលើកទឹកចិត្តកីឡាករ ធឿន ធារ៉ា ចំនួន ៣០០ ដុល្លារ និងផ្ដល់ជូនកីឡាករ អេលីត ហ៊ុនកង ចំនួន ១០០ ដុល្លារ ជាការលើកទឹកចិត្ត។

លើសពីនេះ ក្នុងឆ្នាំ ២០២២ កន្លងមកនេះ លោកឧកញ៉ា ហេង បូរិន បានចូលរួមឧបត្ថម្ភថវិកាផ្ទាល់ខ្លួនចំនួន ១៥០០ ដុល្លារ ទៅកាន់កម្មវិធី គុនខ្មែរអលស្តារ-Kun Khmer All Star ដែលមានលោកគ្រូ ស៊ន អេលីត ជាអ្នកសម្របសម្រួល និងជាស្ថាបនិកកម្មវិធី។

ក្រៅពីការឧបត្ថម្ភកីឡាករដោយផ្ទាល់ និងការប្រកួតនានា លោកឧកញ៉ា ហេង បូរិន ដែលជាអគ្គនាយក និងជាម្ចាស់ បុរី ហេង បូរិន គ្រុប ក៏បានចុះកុងត្រារួមគ្នាជាមួយកីឡាករបាល់ទាត់ឆ្នើមរបស់ព្រះរាជាណាចក្រកម្ពុជា លោក ចាន់ វឌ្ឍនាកា ជាទូតសុច្ឆន្ទៈប្រចាំ បុរី ហេង បូរិន គ្រុប ផងដែរ ។

លោកឧកញ៉ា ធ្លាប់មានប្រសាសន៍លើកឡើងថា ចាន់ វឌ្ឍនាកា បានលើកមុខមាត់បាល់ទាត់ខ្មែរឲ្យប្រទេសក្នុងតំបន់ទទួលស្គាល់ពីការវិវឌ្ឍន៍ជាវិជ្ជមាន។

ចំពោះទស្សនៈ និងការយល់ឃើញផ្ទាល់ទៅលើកីឡា លោកឧកញ៉ា មានប្រសាសន៍ថា កីឡានាំមកនូវមិត្តភាព ហើយផ្ដល់មកនូវសុខភាពល្អ។ ការហាត់ប្រាណ និងការលេងកីឡាជាប្រចាំ នឹងធ្វើឲ្យយើងមានសុខភាពល្អ កម្លាំងមាំមួន និងមានការសម្រេចចិត្តឈ្លាសវៃ ប្រកបដោយទំនុកចិត្ត។