ព័ត៌មានជាតិ

អាជ្ញាធរអនុញ្ញាតឱ្យពលករខ្មែរ ជិត៦០០នាក់ ត្រឡប់ទៅសហគមន៍វិញ

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

មន្ត្រីសុខាភិបាលខេត្តបាត់ដំបង បានឱ្យដឹងថា កន្លងមកមណ្ឌលចត្តាឡីស័កខេត្ត បានទទួលពលករអនុវត្តធ្វើចត្តាឡីស័ក១៤ថ្ងៃ សរុបមានចំនួន២៣១២នាក់ ប៉ុន្តែបច្ចុប្បន្ននេះ ពលករនៅសល់ត្រឹមតែចំនួន១៤២៧នាក់ប៉ុណ្ណោះ ខណៈទូរលេខចុងក្រោយ បានអនុញ្ញាតឲ្យពួកគាត់ត្រឡប់ទៅរួមរស់ជាមួយក្រុមគ្រួសារនៅតាមមូលដ្ឋានរៀងៗខ្លួនចំនួន៥៦៨នាក់ ក្នុងចំណោមពលករខ្មែរ ដែលបានឆ្លងកាត់ការពិនិត្យធ្វើតេស្តជាបន្តបន្ទាប់បានចំនួន២១៧៣នាក់ ដែលក្នុងចំណោមពលករខ្មែរទាំងនេះ បានរកឃើញវិជ្ជមាននូវជំងឺកូវីដ-១៩ ចំនួន០៦នាក់ និងព្យាបាលសះស្បើយចំនួន០២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីដដែលឲ្យដឹងបន្តថា គិតត្រឹមថ្ងៃទី០៩ ខែមករា ឆ្នាំ២០២១នេះ គណៈកម្មការគ្រប់គ្រងមណ្ឌលចត្តាឡីស័កក្នុងខេត្តបាត់ដំបង បានអនុញ្ញាតឲ្យពលករខ្មែរជាច្រើននាក់ បានចាកចេញទៅកាន់លំនៅឋានរបស់ពួកគាត់រៀងៗខ្លួន ដែលមានចំនួនកើនឡើងដល់៥៦៨នាក់ បន្ទាប់ពីបានរៀបចំដាក់ឲ្យនៅដាច់ដោយឡែកដើម្បីពិនិត្យតាមដានសុខភាពយកវត្ថុសំណាកធ្វើចត្តាឡីស័កចំនួន១៤ថ្ងៃអនុវត្តតាមវិធានការទប់ស្កាត់ជំងឺកូវីដ-១៩ ចូលក្នុងសហគមន៍។

បច្ចុប្បន្ន ខេត្តបាត់ដំបងបានរៀបចំមណ្ឌលចត្តាឡីស័កចំនួន១១មណ្ឌល ដោយក្នុងនោះមានមណ្ឌលចំនួន៨សម្រាប់ទទួលពលករដែលឆ្លងកាត់តាមច្រកតំបន់ព្រំដែននៅក្នុងខេត្តបាត់ដំបង រីឯមណ្ឌលចំនួន៣ផ្សេងទៀត សម្រាប់ទទួលពលករដែលបញ្ជូនមកពីបណ្តាខេត្តដូចជា ខេត្តបន្ទាយមានជ័យនិងខេត្តឧត្តរមានជ័យ ជាដើម៕

អត្ថបទ ៖ សៅ សារិទ្ធ

Related Topics:កូវីដ-១៩

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា