ព័ត៌មានជាតិ
ធនាគារជាតិប្រកាសដាក់ឲ្យប្រើប្រាស់ប្រព័ន្ធទូទាត់យុគសម័យថ្មី«បាគង»ជាផ្លូវការ
ធនាគារជាតិនៃកម្ពុជា បានប្រកាសដាក់ឲ្យប្រើប្រាស់ប្រព័ន្ធ«បាគង»ជាផ្លូវការហើយ នៅព្រឹកថ្ងៃទី២៨ ខែតុលា ឆ្នាំ២០២០ ដើម្បីចូលរួមចំណែក ក្នុងការអភិវឌ្ឍសេដ្ឋកិច្ចឈានឆ្ពោះទៅរកសេដ្ឋកិច្ចផ្នែកឌីជីថលនៃបដិវត្តន៍ឧស្សាហកម្មទី៤ ស្របតាមបរិបទសេដ្ឋកិច្ចឌីជីថលក្នុងតំបន់អាស៊ាន។
ថ្លែងនៅក្នុងពីធីដាក់ឲ្យដំណើរការប្រព័ន្ធបាគងជាផ្លូវការ លោកស្រី ជាសិរី ឧបការីទេសាភិបាលនិងជាអគ្គនាយកបច្ចេកទេសធនាគារជាតិនៃកម្ពុជា បានមានប្រសាសន៍ថាការអភិវឌ្ឍន៍ប្រព័ន្ធបាគងនេះ គឺជាគំនិតផ្ដួចផ្ដើមថ្មីរបស់ធនាគារជាតិនៃកម្ពុជា ក្នុងការធ្វើទំនើបកម្មប្រព័ន្ធទូទាត់សងប្រាក់នៅក្នុងប្រទេសកម្ពុជា និងដើម្បីឆ្លើយតបទៅនឹងការរីកចំរើនផ្នែកសេដ្ឋកិច្ចនិងបច្ចេកវិទ្យាហិរញ្ញវត្ថុនាពេលបច្ចុប្បន្ន។ លោកស្រីបានបន្តថាការអភិវឌ្ឍប្រព័ន្ធនេះឡើងដោយសារ តែការទូទាត់របស់ធនាគារនិងហិរញ្ញវត្ថុនៅប្រទេសកម្ពុជា ពុំទាន់មានលក្ខណៈអាចធ្វើការទូទាត់ប្រទាក់ក្រឡាគ្នាបានឡើយ ព្រោះថាគ្រឹះស្ថានភាគច្រើន បានរៀបចំប្រព័ន្ធទូទាត់សម្រាប់បម្រើសេវាជូនតែអតិថិជនគ្រឹះស្ថានសខ្លួនប៉ុណ្ណោះ ហើយគ្រឹះស្ថានមួយចំនួនបានសហការផ្ដល់សេវាទូទាត់លក្ខណៈទ្វេភាគីជាមួយដៃគូរបស់ខ្លួន ដែលកត្តានេះវាពុំមែនជាការអនុវត្តស្របតាមឧត្តមមានុវត្តនោះទេ ហើយវាអាចនឹងបណ្ដាលទៅជាប្រព័ន្ធប្រមូលផ្ដុំតូចមានភាពផុយស្រួយបង្កការលំបាកដល់អាជ្ញាធរ ក្នុងការគ្រប់គ្រងនិងដាក់បទប្បញ្ញត្តិ។
លោកស្រីបានបន្តទៀតថា ដោយពិនិត្យឃើញនូវបញ្ហាប្រឈមនេះធនាគារជាតិនៃកម្ពុជាបានអភិវឌ្ឍប្រព័ន្ធនេះឡើង ដើម្បីដោះស្រាយនូវបញ្ហាខាងលើដោយសារតែប្រព័ន្ធបាគងដើរតួនាទីជាប្រព័ន្ធទូទាត់ឆ្អឹងខ្នងសម្រាប់គ្រឹះស្ថានធនាគារ និងហិរញ្ញវត្ថុទាំងអស់តភ្ជាប់ទៅនឹងបណ្ដុំរួមតែមួយ។ លោកស្រីបានបន្ថែមថា តាមរយៈប្រព័ន្ធបាគងអតិថិជនរបស់គ្រឹះស្ថានឬមួយអាចធ្វើប្រតិបត្តិការទូទាត់ប្រទាក់ក្រឡាគ្នាទៅវិញទៅមកប្រកបដោយប្រសិទ្ធភាពឆាប់រហ័សនិងកាត់បន្ថយចំណាយប្រតិបត្តិការ។ លោកស្រីបានលើកឡើងទៀតថា«មិនតែប៉ុណ្ណោះស្ថិតក្នុងបរិបទប្រទេសកំពុងទទួលរងវិបត្តិកូវីដ ១៩ ខ្ញុំសង្ឃឹមថាការដាក់ឲ្យដំណើរការធ្វើការប្រព័ន្ធបាគងនៅថ្ងៃនេះ នឹងជួយគាំពារដល់សុខុមាលភាពសង្គមនិងទប់ស្កាត់ការរាលដាលជំងឺ១៩ ផងដែរតាមរយៈការសម្រួលការទូទាត់គាត់ជាអេឡិចត្រូនិកពីបុគ្គលម្នាក់ទៅបុគ្គលម្នាក់ ដោយពុំប៉ះពាល់សាច់ប្រាក់ដោយផ្ទាល់ ហើយបាគងអាចទូទាត់ទំនិញអនឡាញពីចំណាយផ្ដល់ជម្រើសច្រើនងាយស្រួល សម្រាប់អតិថិជន ក្នុងការធ្វើប្រតិបត្តិការដាក់ប្រាក់ដកប្រាក់ចេញចូលគណនេយ្យធនាគារនិងអ៊ីវ៉ាឡេតទៅវិញទៅមក»។
លោកស្រីបានឲ្យដឹងថាជាងនេះទៀតថា ប្រព័ន្ធប្រគងបានសម្រួលនិងផ្លាស់ប្ដូរឥរិយាបថរបស់សាធារណជនបន្តិចម្ដងៗផ្ដល់ភាពងាយស្រួលដល់សាធារណជន ក្នុងការរក្សាទុកសាច់ប្រាក់យ៉ាងមានសុវត្ថិភាពចំណេញពេលវេលានិងមិនព្រួយបារម្ភអំពីការក្លែងបន្លំ។ លោកស្រីបានបញ្ជាក់ថា សម្រាប់ទិសដៅទៅអនាគតប្រព័ន្ធបាគងនឹងពិនិត្យលទ្ធភាព ក្នុងការទូទាត់និងផ្ទេរប្រាក់ឆ្លងដែនជាមួយបណ្ដាប្រទេសក្នុងតំបន់ ដើម្បីសម្រួលដល់ពលករក្រៅប្រទេសអាចផ្ញើប្រាក់មកកាន់ក្រុមគ្រួសារតាមប្រព័ន្ធបាគង មានកម្រៃទាបងាយស្រួលនិងសុវត្ថិភាព។ លោកស្រីបានរំលឹកថា គម្រោងដែលបានរៀបចំអភិវឌ្ឍន៍នេះ ត្រូវបានកំណត់ឈ្មោះថាប្រព័ន្ធបាគងជាឈ្មោះរបស់ប្រាសាទបុរាណខ្មែរស្ថាបនាឡើងនៅក្នុងឆ្នាំ ៨៨១នៃគ្រិស្តសករាជក្រោមរជ្ជកាលព្រះបាទឥន្ទ្រវរ្ម័នទី១។
កាលពីខែមិថុនា ឆ្នាំ២០១៨ ធនាគារជាតិបានរៀបចំពិធីផ្សព្វផ្សាយគ្រឹះស្ថានធនាគារនិងហិរញ្ញវត្ថុនិងគ្រឹះស្ថានផ្តល់សេវាទូទាត់សងប្រាក់ អំពីគម្រោងអភិវឌ្ឍន៍ប្រព័ន្ធបាគងនេះ។ បន្ទាប់ពីបានផ្សព្វផ្សាយរួចមកមានគ្រឹះស្ថានចំនួន ៣៩ បានបង្ហាញនូវចំណាប់អារម្មណ៍ចូលរួមក្នុងគម្រោងបាគងនេះ។ ដោយទទួលបាននូវការគាំទ្រពីគ្រឹះស្ថានធនាគារនិងហិរញ្ញវត្ថុនិងគ្រឹះស្ថានផ្ដល់សេវាទូទាត់សងប្រាក់ធនាគារជាតិនៃកម្ពុជា បានប្រកាសដាក់ឲ្យដំណើរការសាកល្បងប្រព័ន្ធបាគងកាលពីថ្ងៃទី១៨ ខែកក្កដា ឆ្នាំ២០១៩ ដោយមានគ្រឹះស្ថានធនាគារនិងហិរញ្ញវត្ថុចំនួន៤ចូលរួមរួមមានធនាគារអេស៊ីលីដាធនាគារវឌ្ឍនៈ ធនាគារពាណិជ្ជកម្មក្រៅប្រទេសនៃកម្ពុជានិងធនាគារឯកទេសវីង។ គិតចាប់តាំងពីថ្ងៃទី១៨ ខែកក្កដា ឆ្នាំ២០១៩ រហូតមកដល់ថ្ងៃទី២៨តុលាឆ្នាំ២០២០នេះ ចំនួនសមាជិកចូលរួមបានកើនឡើងរហូតដល់១៨គ្រឹះស្ថាននិងធនាគារនិងហិរញ្ញវត្ថុ ក្នុងនោះធនាគារនិងហិរញ្ញវត្ថុចំនួន១៦និងគ្រឹះស្ថានផ្ដល់សេវាទូទាត់សងប្រាក់ចំនួន២ព្រមទាំងគ្រឹះស្ថានធនាគារនិងហិរញ្ញវត្ថុនិងគ្រឹះស្ថានផ្ដល់សេវាទូទាត់សងប្រាក់ប្រមាណ២៤ទៀត បានទទួលការអនុញ្ញាតជាគោលការណ៍ចូលជាសមាជិកប្រព័ន្ធបាគងនិងកំពុងរៀបចំសិក្សាលក្ខណៈបច្ចេកទេសតភ្ជាប់ប្រព័ន្ធ៕
អត្ថបទ៖ សំអឿន
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៩ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ