សន្តិសុខសង្គម
Update៖ អគ្គិភ័យឆេះការដ្ឋាននៅខណ្ឌសែនសុខម្សិលមិញ ខូចខាតបន្ទប់ស្នាក់នៅសរុប១៦បន្ទប់ និងម៉ូតូ១១គ្រឿង
ករណីអគ្គិភ័យដែលឆេះក្នុងការដ្ឋានសាងសង់មួយកន្លែងនៅខណ្ឌសែនសុខកាលពីម្សិលមិញ បណ្ដាលឲ្យខូចខាតបន្ទប់សា្នក់នៅរបស់កម្មករសរុបចំនួន១៦បន្ទប់ និងឆេះរោលម៉ូតូ១១គ្រឿង ដែលសមត្ថកិច្ចបញ្ជាក់ថា បណ្ដាលមកពីឆ្លងចរន្ដអគ្គិនី។
យោងតាមរបាយការណ៍របស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានឲ្យដឹងថា ក្នុងហេតុការណ៍នេះ បានបណ្តាលឲ្យឆាបឆេះបន្ទប់ស្នាក់នៅ១២បន្ទប់ ប្រក់ស័ង្កសី អស់ទាំងស្រុង (ទំហំ ៤,៥ម៉ែត្រ x ១៥ម៉ែត្រ) និងរាលដាលអស់ចំនួន ៤បន្ទប់ផ្សេងទៀតប្រហែល ២០% និងម៉ូតូឆេះរោអស់ចំនួន១១គ្រឿង តែមិនបានបណ្តាលឲ្យមានអ្នកណាម្នាក់រងរបួសនោះឡើយ។
ក្នុងរបាយការណ៍បញ្ជាក់ថា ក្នុងប្រតិបត្តការជួយអន្តរាគមន៍ កម្លាំងជំនាញបានប្រើប្រាស់រថយន្តពន្លត់អគ្គិភ័យរបស់ការិយាល័យអគ្គិភ័យ រាជធានីភ្នំពេញ ចំនួន១៤គ្រឿង ប្រើប្រាស់ទឹកអស់១២ឡាន ស្មើរនឹង ៤៨ម៉ែត្រគូប ទើបអាចគ្រប់គ្រងអណ្ដាតភ្លើងបានទាំងស្រុង។
សូមបញ្ជាក់ថា ករណីអគ្គិភ័យនេះ បានកើតឡើងនៅវេលាម៉ោង៣និង៥៥នាទីរសៀល ថ្ងៃទី៣០ ខែមីនា ឆ្នាំ២០២៣ នៅចំណុចក្នុងការដ្ឋានសាងសង់មួយកន្លែងយីហោ ស៉ីណូ ជូ ហ្គូ ខនស្ត្រាក់សិន អេនជីនារីង ឯ.ក ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ៕
អត្ថបទ៖ សុខុម
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៣ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ