ព័ត៌មានជាតិ

រដ្ឋមន្ត្រីក្រសួងសង្គមកិច្ច ផ្ដាំផ្ញើឲ្យអាជ្ញាធរមូលដ្ឋាន បន្តបម្រើប្រជាពលរដ្ឋឲ្យបានល្អ ក្រោមដំបូលសន្តិភាព

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

លោក វង សូត រដ្ឋមន្ត្រីក្រសួងសង្គមកិច្ច បានផ្ដាំផ្ញើដល់ក្រុមការងារគ្រប់មូលដ្ឋាន ត្រូវខិតខំបេ្តជ្ញាចិត្តបម្រើពលរដ្ឋក្រោមដំបូលសុខសន្តិភាព និងអភិវឌ្ឍន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រី វង សូត ថ្លែងបែបនេះ ខណៈពេលដឹកនាំក្រុមការងារ ចុះពិនិត្យវឌ្ឍនភាពនៃការសាងសង់ទីចាត់ការ របងសាលា ផ្លូវបេតុងនៅវិទ្យាល័យជាមណ្ឌលសុខភាពឃុំ និងចុះពិនិត្យមើលការសាងសង់កុដិនៅវត្តនាពេលថ្មីៗនេះ។

លោករដ្ឋមន្ត្រី បានលើកទឹកចិត្តដល់ក្រុមការងារនិងអាជ្ញាធរមូលដ្ឋានក្រុមការងារចុះជួយតាមឃុំភូមិ ត្រូវទទួលខុសត្រូវឲ្យខ្ពស់ ក្នុងការចុះពិនិត្យលើប័ណ្ណសមធម៌របស់គ្រួសារ ដែលទទួលបានផល ដោយត្រូវគ្រប់គ្រងឲ្យច្បាស់លាស់ ចំពោះស្ថានភាពជាក់ស្តែង ពោលគឺថា គ្រួសារក្រីក្រពិតឬមិនពិត និងត្រួតពិនិត្យលើប័ណ្ណសមធម៌ តាមលក្ខខ័ណ្ឌដែលត្រូវទទួលបានសាច់ប្រាក់ពីរាជរដ្ឋាភិបាលកម្ពុជា ប្រមាណជិតបីលាននាក់ ដែលត្រូវទទួលបានប្រាក់ឧបត្ថម្ភនេះ សរុបទូទាំងប្រទេស។

លោក វង សូត បានជំរុញដល់មន្ត្រីទាំងអស់ ត្រូវបន្តការងារមួយនេះឲ្យខ្ជាប់ខ្ជួន តាមទិសដៅ និងយុត្តិសាស្ត្ររបស់រាជរដ្ឋាភិបាលកម្ពុជា ដូចពាក្យស្លោកមួយពោលថា យើងមិនទុកនរណាម្នាក់ជួបការលំបាកដោយមិនបានដោះស្រាយ។ លោករដ្ឋមន្ត្រី ស្នើសុំដល់ក្រុមការងារនិងអាជ្ញាធរ ត្រូវខិតខំបេ្តជ្ញាចិត្តបម្រើពលរដ្ឋក្រោមដំបូលសុខសន្តិភាព អភិវឌ្ឍន៍ និងចេះចុះជួយគ្រួសារដែលទទួលបានសាច់ប្រាក់ពីរាជរដ្ឋាភិបាល ក្រោមការដឹកនាំរបស់គណបក្សប្រជាជនកម្ពុជា ត្រូវបន្តចុះអនុវត្តអប់រំ ផ្សព្វផ្សាយ និងណែនាំដល់គ្រួសារ ដែលក្រីក្រជួបលំបាកពិតប្រាកដ ក្រោយពីទទួលបានសាច់ប្រាក់ឧបត្ថម្ភពីរាជរដ្ឋាភិបាល៕

អត្ថបទ៖ វិមាន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា