កីឡា
ស្រួង ភាវី ស្ម័គ្រចិត្តធ្វើទូតសុច្ឆន្ទៈ ឱ្យមូលនិធិនៅកូរ៉េ ដើម្បីកុមារខ្វះខាតនៅកម្ពុជា
កីឡាការិនីស្នូកឃ័រ និងប៊ឺយ៉ាឆ្នើមជម្រើសជាតិកម្ពុជា ស្រួង ភាវី បានស្ម័គ្រចិត្តទទួលការងារជាទូតសុច្ឆន្ទៈ ឱ្យអង្គការមូលនិធិដ៏ធំមួយ នៅប្រទេសកូរ៉េ ដើម្បីជួយដល់កុមារដែលមានជីវភាពខ្វះខាតនៅប្រទេសកម្ពុជា។
«គោលដៅអង្គការនេះ និងជាពិសេសតាមរយៈនាងខ្ញុំ គឺដើម្បីជួយទៅដល់ប្អូនៗដែលមានជីវភាពខ្វះខាតនៅប្រទេសកម្ពុជា»។ លោកស្រី ស្រួង ភាវី បានប្រាប់ឲ្យដឹងនៅព្រឹកថ្ងៃសុក្រ ទី៩ ខែមិថុនានេះ និងបន្តថា ជំនួយរបស់អង្គការមានដូចជាកុំព្យូទ័រសម្រាប់តម្កល់ក្នុងសាលារៀន និងសម្ភារៈសិក្សាផ្សេងៗជាច្រើនដែលអង្គការមាន នឹងផ្ដល់ជូនតាមរយៈលោកស្រី ដើម្បីជួយដល់កុមារដែលមានជីវភាពខ្វះខាត ហើយត្រូវការជំនួយដើម្បីសម្រួលដល់មធ្យោបាយសិក្សារបស់ពួកគេ។
កីឡាការិនីរូបនេះបានរៀបរាប់ថា ៖«ក្នុងនាមខ្ញុំជាប្រជាពលរដ្ឋខ្មែរម្នាក់ ជាកោសិកានៃប្រទេសជាតិ ជាធាតុចូលមួយរបស់ប្រទេសជាតិ ខ្ញុំពិតជាមានមោទនភាព និងសែនសប្បាយរីករាយជាពន់ពេក ដែលខ្ញុំបានក្លាយជាគោលដៅដ៏សំខាន់មួយ សម្រាប់អង្គការមូលនិធិសប្បុរសធម៌ធំៗរបស់ប្រទេសកូរ៉េ ផ្ដល់ការទុកចិត្តមកលើរូបនាងខ្ញុំក្នុងការធ្វើជាទូតសុច្ឆន្ទៈរបស់អង្គការមូលនិធិសប្បុរសធម៌ធំៗទាំងនោះ»។
លោកស្រីបានបន្ថែមថា លោកស្រីនៅតែចំណាយកម្លាំងញើសឈាម និងថវិកាផ្ទាល់ខ្លួន ដែលទទួលបានពីកិច្ចការផ្សេងៗទាំងប៉ុន្មាន ធ្វើជាមូលនិធិសប្បុរសធម៌រហូតទៅ។
សូមបញ្ជាក់ថា លោកស្រី ស្រួង ភាវី ដែលទើបឈ្នះមេដាយមាសក្នុងព្រឹត្តិការណ៍ស៊ីហ្គេម លើកទី៣២ នៅកម្ពុជា តែងតែធ្វើសកម្មភាពមនុស្សធម៌ ដើម្បីជួយដល់កុមារ ដែលមានជីវភាពខ្វះខាតនៅកម្ពុជា៕
អត្ថបទ៖ ម៉ាលីស
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង