កីឡា

អបអរសាទរ! ស្រួង ភាវី ទទួលបានពាន Asia Special Award នៅកូរ៉េខាងត្បូង

បានផុស

៣ years មុន

នៅ

ថ្ងៃអង្គារ ៧ វិច្ឆិកា ២០២៣

ដោយ

កីឡាការិនីស្នូកឃើរ និងប៊ីយ៉ាជម្រើសជាតិកម្ពុជា ស្រួង ភាវី ត្រូវបានជ្រើសរើសផ្តល់ពានរង្វាន់ពិសេស Asia Special Award 2023 ដែលរៀបចំដោយ Asia Model Festival នៅថ្ងៃទី០៥ ខែវិច្ឆិកា ឆ្នាំ២០២៣ នៅប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រួង ភាវី បានរៀបរាប់ថា ៖«រាល់ពេលទទួលបានពានរង្វាន់នៅឆាកអន្តរជាតិកន្លងមក នៅពេលគេហៅឈ្មោះ ស្រួង ភាវី ឡើងទៅលើវេទិកាដើម្បីទទួលពានរង្វាន់ អារម្មណ៍នាងខ្ញុំគ្រាន់តែឮ ត្រឹមតែដឹងថា គេបានហៅខ្ញុំហើយ ប៉ុន្ដែនៅពេលឮគេហៅថា Cambodia Cambodia ឡើងទៅលើហើយ»។

«អារម្មណ៍របស់ខ្ញុំពិតជារំភើបប្រកបដោយសេចក្ដីសោមនស្សរីករាយ និងមោទនភាពជាពន់ពេក។ ព្រោះថា ស្រួង ភាវី មកពីប្រទេសកម្ពុជា សូមអញ្ជើញឡើងមកលើវេទិកា គឺក្នុងចិត្តខ្ញុំគិតថា គេកំពុងតែហៅប្រជាជនកម្ពុជាទាំងអស់ឡើងទៅលើវេទិកាដើម្បីទទួលនូវកិត្តិយសដ៏ថ្លៃថ្លាឧត្តុង្គឧត្តមនៅឆាកអន្តរជាតិ»។

កម្មវិធី Asia Model Festival ជាវេទកាវប្បធម៌សកលដែលផ្តោតលើឧស្សាហកម្មវប្បធម៌ និងសិល្បៈឈានមុខនៅអាស៊ី ជំរុញផ្សព្វផ្សាយម៉ូដែល ហ្វេហ្ស៊ិន និងសម្រស់។ កម្មវិធីនេះឧបត្ថម្ភដោយក្រសួងវប្បធម៌ កីឡា និងទេសចរណ៍របស់ប្រទេសកូរ៉េខាងត្បូង។

កាលពីដើមខែតុលា ឆ្នាំ២០២៣ ស្រួង ភាវី ត្រូវបានរដ្ឋាភិបាលនៃប្រទេសកូរ៉េខាងត្បូងផ្តល់ពានរង្វាន់ «វប្បធម៌បង្រួបបង្រួមជាតិពហុវប្បធម៌ និងពានរង្វាន់ពីក្រសួងព័ត៌មាន ក៏ដូចជាកាសែត និងទស្សនាវដ្តី» ក្នុងចំណោមជយលាភី៦រូប៕