Selena Gomez បដិសេធពាក្យចចាមអារ៉ាមថាមានស្នេហាជាមួយ Zayn

បន្ទាប់ពីស្ងប់ស្ងាត់អស់រយៈពេលជាច្រើនថ្ងៃមុនពេលមានពាក្យចចាមអារ៉ាមទាក់ទងស្នេហាជាមួយ Zayn Malik ទីបំផុត Selena Gomez បានចែករំលែកយ៉ាងច្បាស់លាស់អំពីស្ថានភាពទំនាក់ទំនងបច្ចុប្បន្នរបស់នាង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេស តារាចម្រៀងស្រីរូបនេះបានបង្ហោះវីដេអូខ្លួនឯងនៅលើគេហទំព័រ Tik Tok ហើយបានបង្ហាញថានាងនៅលីវ។ Selena បាននិយាយបែបលេងសើច ខណៈដែលនាងស្រែកលេងលើសើច នៅទីលានបាល់ទាត់នៅក្នុងវីដេអូថា ”ខ្ញុំនៅលីវ។ អ្នកពិបាកផ្គាប់ចិត្តបន្តិច ប៉ុន្តែខ្ញុំនឹងស្រឡាញ់អ្នកខ្លាំងណាស់” ។

តាំងពីដើមឆ្នាំមក អតីតតារា Disney ត្រូវបានគេចាប់បានក្នុងពាក្យចចាមអារ៉ាមណាត់ជួបគ្នា ២ ដងពាក្យចចាមអារ៉ាមដំបូងបានកើតឡើងនៅក្នុងខែមករា បន្ទាប់ពីនាងត្រូវបានគេឃើញឱបនិងថើបជាមួយ Drew Taggart នៃសមាជិកក្រុម The Chainsmokers ។ ក្រោយមក ប្រភពជាច្រើនក៏បាននិយាយថានាងនិងសមាជិកក្រុម Chainsmokers នៅតែស្ថិតក្នុងដំណាក់កាលនៃការស្គាល់គ្នានៅឡើយ មិនទាន់មានទំនាក់ទំនងស្នេហានៅឡើយទេ ។

ទន្ទឹងនឹងនោះ កាលពីខែមីនា Selena Gomez ត្រូវបានគេនិយាយថាបានញ៉ាំអាហារពេលល្ងាចយ៉ាងស្និទ្ធស្នាលជាមួយ Zayn ដែលជាអតីតមិត្តប្រុសរបស់កំពូលតារាម៉ូដែល Gigi Hadid ។ ក្រោយមក ម្ចាស់ភោជនីយដ្ឋាននេះបានអះអាងថាបានឃើញគូស្នេហ៍កំពុងថើបគ្នានៅទីនោះ។

យ៉ាងណាមិញ នៅមិនទាន់មានរូបភាពបញ្ជាក់ពីព័ត៌មាននេះដែរ ទោះយ៉ាងណាបន្ទាប់ពីផ្ទុះពាក្យចចាមអារ៉ាមភ្លាមៗ តារាចម្រៀងទាំងពីរបាននៅតែរក្សាស្ងៀមចំពោះពាក្យចចាមអារ៉ាមនេះ ប៉ុន្តែនៅបច្ចុប្បន្ន Selena Gomez បញ្ចាក់ថានាងនៅលីវមិនមានទំនាក់ទំនងស្នេហាជាអ្នកណានៅឡើយទេ ៕

ប្រែសម្រួល៖នាងតូច

ចុចអាន៖Irina Shayk បដិសេធពាក្យចចាមអារ៉ាម រឿងឲ្យដៃ Tom Brady