ជីវិតកម្សាន្ដ

ឃើញVj Anoជួបទុក្ខស្រាប់តែ ព្រីម លីហ្សា ទម្លាយរឿងដ៏ឈឺចាប់ក្រោយក្លាយជា Single mom

បានផុស

២ years មុន

នៅ

ថ្ងៃពុធ ១៦ សីហា ២០២៣

ដោយ

បន្ទាប់ពីឃើញរឿងរ៉ាវដ៏ឈឺចាប់របស់ វីជេ អាណូ ស្រាប់តែតារាសម្ដែង ព្រីម លីហ្សា ចេញមករម្លឹករឿងឈឺចាប់របស់ខ្លួនដែលបានលះបង់ការស្រឡាញ់យ៉ាងធំធេងទៅកាន់មនុស្សប្រុសម្នាក់រហូតធ្លាក់ខ្លួនក្លាយជា Single mom។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់តារាស្រីអ្នកនាង ព្រីម លីហ្សា មួយរយៈ ចុងក្រោយត្រូវបានគេមើលឃើញថាអាជីពសិល្បៈរបស់នាងហាក់បាត់វត្តមានទាំងស្រុងបន្ទាប់ពីចូលប្រឡូកប៉ុន្មានឆ្នាំកន្លងមក។ការរសាត់ឃ្លាតឆ្ងាយពីសិល្បៈ របស់ ព្រីម លីហ្សា មួយរយៈនេះបានធ្វើឱ្យអ្នកគាំទ្រយល់ថា ទំនងនាងឈប់ពីវិស័យនេះទៅហើយ ខណៈ កន្លងមកឮថាតារាស្រីរូបបើកជំនួញខ្លួនឯង និងរវល់យកពេលមើលថែកូន។

រឿងដែលចាប់អារម្មណ៍ថ្មីសម្រាប់អ្នកគាំទ្រ ស្រាប់តែអ្នកម្តាយវ័យក្មេងរូបនេះបានចេញទម្លាយការឈឺចាប់របស់ខ្លួនដែលពុំធ្លាប់មានអ្នកដឹង។ អ្នកនាង ព្រីម លីហ្សា បានលើកឡើងភ្ជាប់បញ្ហារបស់ វីជេអាណូ ថា «ឃើញរឿងរបស់បងស្រី Vj Anoធ្វើឱ្យខ្ញុំនឹកឃើញដល់អារម្មណ៍មួយ អារម្មណ៍ដែលលះបង់ការស្រឡាញ់យ៉ាងធំធេងទៅកាន់មនុស្សប្រុសម្នាក់ ដោយមិនខ្វល់អំពីអ្វីទាំងអស់មានតែពាក្យមួយគត់ គឺក្តីស្រឡាញ់។

អ្នកនាង ព្រីម លីហ្សា បាននិយាយទៀតថា «ប៉ុន្តែទីបំផុតទទួលត្រឡប់មកវិញជាការឈឺចាប់យ៉ាងមិននឹកស្មានមិនដល់ ធ្វើឱ្យខ្ញុំមិនអាចបំភ្លេចបានអស់មួយជីវិត អ្វីដែលខ្ញុំបានជួបប្រទះទាំងអស់នេះហើយធ្វើឱ្យខ្ញុំក្លាយទៅជា single momយ៉ាងរឹងមាំម្នាក់មានតែពាក្យជូនពរសម្រាប់បងស្រីឱ្យគាត់មានសុខភាពល្អឡើងវិញ ហើយរឹងមាំបន្តជីវិតទៅមុខទៀតដើម្បីកូនរបស់គាត់ដូចអ្វីដែលខ្ញុំកំពុងតែធ្វើ»។

សូមជម្រាបថា តារាសម្តែង សិចស៊ី ព្រីម លីហ្សា ដែលគ្រប់គ្នាស្គាល់តាមរយៈបទ «ទឹកលុយសម្លាប់ទឹកចិត្តខ្ញុំ» កន្លងមក ត្រូវបានគេកត់សម្គាល់ឃើញថា តារាស្រីរូបនេះតែងបង្ហាញមុខជាមួយរូបសម្ផស្សដ៏សិចស៊ីបើទោះបីជានាងត្រូវបាត់មុខមួយរយៈពីសិល្បៈក៏ដោយ។យ៉ាងណាមិញកន្លងមកនាងក៏បានទម្លាយការពិតរឿងមានកូនផងដែរ៕

អត្ថបទ៖ ចាន់រ៉ា