ជីវិតកម្សាន្ដ

ថុល សុភិទិ ប្រកាសកម្មវិធីសប្បុរសធម៌ជួយកុមារ ៥០០ នាក់ ក្នុងសហគមន៍ភ្នំឱរ៉ាល់

បានផុស

១ year មុន

នៅ

ថ្ងៃសុក្រ ២៩ កញ្ញា ២០២៣

ដោយ

ក្នុងគោលបំណងដើម្បីចូលរួមលើកទឹកចិត្ត និងផ្ដល់ក្តីស្រលាញ់ដល់កុមារនៅតាមតំបន់ជនបទ តារាចម្រៀង ថុល សុភិទិ បានប្រកាសត្រៀមរៀបចំកម្មវិធីសប្បុរសធម៌ជួយកុមារប្រមាណ៥០០ នាក់នៅក្នុងសហគមន៍ភ្នំឱរ៉ាល់ ខេត្តកំពង់ស្ពឺនាដើមខែតុលាខាង មុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថុល សុភិទិ បញ្ជាក់ថា កម្មវិធីសប្បុរសធម៌នេះគឺមានការចូលរួមរវាងលោក និង Top4 ដើម្បីចុះ ជួយកុមារា កុមារី នៅក្នុងសហគមន៍ភ្នំឱរ៉ាលដែលកំពុងខ្វះខាតសម្ភារៈសិក្សាហើយក្នុងនោះ ពួកគេក៏បានត្រៀមអាវរងា សម្រាប់រដូវរងាខាងមុខនេះ ជូនពួកក្មេងផងដែរព្រមទាំងការធ្វើម្ហូបអាហារជូនពួកគាត់ថែមទៀត ។

សុភិទិ បាននិយាយថា “ខ្ញុំបាទ ភិទិ នឹង Top4 បានរៀបចំកម្មវិធីមួយដែលនៅក្នុងជំហ៊ានដំបូងពួកយើងមានគម្រោងជួយកុមារក្នុងសហគមន៍ប្រមាណជាង ៤០០ ទៅ ៥០០នាក់។ បើពុក ម៉ែបងប្អូនមានបំណងចូល រួមជាមួយពួក ខ្ញុំបានតាមរយៈការផ្តល់សម្ភារៈ សិក្សាការផ្តល់អាវរងាសំរាប់កុមារមានអាយុពី៦ឆ្នាំទៅដល់ ១២ឆ្នាំ ឬតាមរយៈថវិការក៏បាន។

តារាចម្រៀងលោក ថុល សុភិទិ បានបញ្ជាក់បន្ថែមថា លោកសង្ឃឹមថាបងប្អូននឹង រួមចំណែកក្តីស្រលាញ់មួយនេះឲ្យបានទាំងអស់គ្នា។ចំណែកកម្មវិធីរបស់យើងនឹងធ្វើឡើងនៅថ្ងៃទី១០ ខែតុលា ឆ្នាំ២០២៣ ខាងមុខ នេះ ៕

អត្ថបទ៖ ចាន់រ៉ា