អ៊ីស្រាអែល គំរាមកម្ចាត់អ៊ីរ៉ង់ បើក្រុម ហេសបូឡា ចូលដៃក្នុងសង្គ្រាម

កាលពីថ្ងៃសៅរ៍ទី២១ខែតុលា ប្រទេសអ៊ីស្រាអែល បានប្តេជ្ញាថានឹងកាត់ក្បាលពស់ ហើយបើកការវាយប្រហារយោធាប្រឆាំងអ៊ីរ៉ង់ ប្រសិនបើក្រុមភេរវករ ហេសបូឡា ចូលរួមក្នុងសង្គ្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសផ្តាច់មុខជាមួយកាសែត The Mail, លោក Nir Barkat រដ្ឋមន្ត្រីក្រសួងសេដ្ឋកិច្ច អ៊ីស្រាអែលបានព្រមានថា ត្រកូល Ayatollah របស់អ៊ីរ៉ង់នឹងត្រូវបាត់មុខពីផែនដី ប្រសិនបើ ហេសបូឡា ដែលជាក្រុមភេរវករប្រូកស៊ីរបស់ពួកគេនៅក្នុងប្រទេសលីបង់ វាយប្រហារអ៊ីស្រាអែល។

ការព្រមានខ្លាំងៗនេះ បានបង្កក្តីព្រួយបារម្ភកាន់តែខ្លាំងអំពីភាពធ្ងន់ធ្ងរនៃជម្លោះក្នុងតំបន់ ដែលរីកធំឡើងៗ ហើយវាកើតឡើងមុនការលុកលុយរបស់អ៊ីស្រាអែល នៅតំបន់ហ្គាហ្សាស្ទ្រីប ដើម្បីកម្ចាត់ក្រុមហាម៉ាស់។

លោក Barkat ព្រមានថា ប្រសិនបើខ្លួនជឿថា ហេសបូឡា បើករណសិរ្សភាគខាងជើងមែននោះ អ៊ីស្រាអែល នឹងមិនត្រឹមកម្ចាត់ក្រុមភេរវកម្មនេះទេ ប៉ុន្តែយើងពិតជានឹងកំណត់គោលដៅលើប្រទេសអ៊ីរ៉ង់ថែមទៀត។

លោកបន្តថា ផែនការរបស់អ៊ីរ៉ង់គឺវាយប្រហារអ៊ីស្រាអែលគ្រប់ផ្នែក ប្រសិនបើយើងរកឃើញថា ពួកគេមានបំណងកំណត់គោលដៅអ៊ីស្រាអែលមែន យើងនឹងមិនត្រឹមតែសងសឹកចំពោះរណសិរ្សទាំងនោះប៉ុណ្ណោះទេ ប៉ុន្តែយើងនឹងទៅរកក្បាលពស់ ដែលជាប្រទេសអ៊ីរ៉ង់តែម្តង។ ប្រសិនបើសត្រូវរបស់យើងវាយប្រហារ យើងនឹងកម្ចាត់ពួកគេ។

ជាមួយនឹងយុទ្ធជនចំនួន២០០០០នាក់ ក្រុមហេសបូឡា គឺជាកងកម្លាំងប្រដាប់អាវុធដ៏មានឥទ្ធិពលបំផុតមួយនៅមជ្ឈិមបូព៌ា ដោយប្រទេសអ៊ីរ៉ង់ត្រូវបានគេជឿថា ជាអ្នកផ្តល់ប្រាក់រាប់រយលានដុល្លារដល់ក្រុមឥស្លាមនិយមនេះជារៀងរាល់ឆ្នាំ។

សង្គ្រាមដ៏ធំមួយបានផ្ទុះឡើងក្នុងឆ្នាំ ២០០៦ រវាងអ៊ីស្រាអែល និងលីបង់ បន្ទាប់ពីក្រុមហេសបូឡា បាញ់មីស៊ីលទៅកាន់ទីក្រុងនានារបស់អ៊ីស្រាអែល៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទារកកើតមិនគ្រប់ខែជាង១០០នាក់ ប្រឈមស្លាប់ ដោយសារមន្ទីរពេទ្យហ្គាហ្សា ជិតអស់ប្រេងឥន្ទនៈ