ព័ត៌មានជាតិ
អាជីវករមួយរូបត្អូញត្អែរ ទីផ្សារលក់អន្ទង់ធ្លាក់ចុះ
លោក សាំង ពៅ អាយុ ៣៥ ឆ្នាំ រស់នៅភូមិពង្រ ស្រុកតាំងគោក ខេត្តកំពង់ធំ បានត្អូញត្អែរចំពោះទីផ្សារលក់អន្ទង់ធ្លាក់ចុះ ក្នុងពេលដែលវិបត្តិសេដ្ឋកិច្ចកំពុងកើតមាននៅលើពិភពលោកដោយសារតែសង្គ្រាម។
អាជីវកររូបនេះ បានឱ្យដឹងថា លោកប្រកបរបរទិញ-លក់អន្ទង់ធម្មជាតិពីប្រជាពលរដ្ឋដែលរកបានជាយូរមកហើយ ដែលពីមុនលោកធ្លាប់លក់បាន ៥០-៦០ គីឡូក្នុងមួយថ្ងៃ ខណៈបច្ចុប្បន្នលក់ចេញមិនបាន ១០ គីឡូផង។
លោក សាំង ពៅ អ្នកប្រកបរបរទិញ-លក់ អន្ទង់
បើតាមអាជីវកររូបនេះ បច្ចុប្បន្នលក់ក៏មិនចេញ តម្លៃក៏ធ្លាក់ចុះ ខណៈលោកយល់ថា អាចមកពីសេដ្ឋកិច្ចធ្លាក់ចុះ និងមានការចិញ្ចឹមច្រើនលើសតម្រូវការ និងការនាំចូលអន្ទង់ចិញ្ចឹមពីប្រទេសវៀតណាម។
«ពីមុនអន្ទង់លេខ១ ខ្ញុំធ្លាប់លក់បាន ៣ ម៉ឺនរៀល ឥឡូវនេះលក់បាន ២ ៥០០០ រៀល ហើយលេខ ២ ឥឡូវ បានតែ ៧០០០ ទៅ ៨០០០ រៀល ប៉ុណ្ណោះ ឱ្យចំណេញអី»។លោក ពៅ បន្ថែម។
កម្ពុជាថ្មី មិនទាន់អាចសុំការបញ្ជាក់ពីមន្ត្រីក្រសួងកសិកម្មនៅឡើយទេ ប៉ុន្តែកន្លងកមកកញ្ញា អ៊ឹម រចនា អ្នកនាំពាក្យក្រសួងកសិកម្មឱ្យដឹងថា ផលិតផលផលរបស់កម្ពុជា ៤ប្រភេទបន្ថែមទៀត គឺបង្កងប៉ាក អន្ទង់ ត្រីដំរី និងខ្យង នឹងមានវត្តមានលើទីផ្សារប្រទេសចិន។
កញ្ញា អ៊ឹម រចនា បានបន្តថា រាជរដ្ឋាភិបាលកម្ពុជាបានដាក់ចេញនូវគោលនយោបាយច្បាស់លាស់សម្រាប់វិស័យកសិកម្ម ដែលមិនត្រឹមតែផ្ដោតទៅលើការធានាសន្តិសុខស្បៀងនៅក្នុងប្រទេសប៉ុណ្ណោះទេ ប៉ុន្តែក៏មានផងដែរ ការបន្តស្វែងរកទីផ្សារ និងបើកទីផ្សារសម្រាប់កសិផលខ្មែរដែលមានគុណភាពខ្ពស់ ស្របទៅតាមអនាម័យ និងភូតគាមអនាម័យ ទៅកាន់ទីផ្សារពិភពលោក។
រហូតមកដល់បច្ចុប្បន្ននេះ ជលផលរបស់ប្រទេសកម្ពុជា បានបញ្ចប់នីតិវិធីចុងក្រោយក្នុងការនាំចេញទៅកាន់ប្រទេសចិន អាចសម្រេចនូវការនាំចេញទៅប្រទេសចិន។ ផ្អែកលើពាណិជ្ជកម្មប្រពៃណីដែលមានស្រាប់លើជលផលរវាងចិននិងកម្ពុជា រួមមានបង្កងប៉ាក អន្ទង់ ត្រីដំរី និងខ្យង សម្រេចបាននូវជលផលទាំងស្រុង ដែលត្រូវបានអនុញ្ញាតនាំចេញទៅកាន់ប្រទេសចិន៕
អត្ថបទ៖ ឡេង ដេត
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»