ព័ត៌មានជាតិ
ប្រឡងបាក់ឌុបព្រឹកថ្ងៃទី ២ មានបេក្ខជន និងមេប្រយោគអវត្តមាន ៣០ នាក់ នៅមណ្ឌលភ្នំពេញ
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានមានប្រសាសន៍ថា ព្រឹកថ្ងៃទី ២ នៃដំណើរការសំណេរប្រឡងបាក់ឌុបមានមេប្រយោគ និងបេក្ខជនប្រឡងនៅមណ្ឌលភ្នំពេញអវត្តមានចំនួន ៣០ នាក់ ក្នុងចំណោមបេក្ខជន និងមេប្រយោគប្រមាណជិត ៣ ម៉ឺននាក់។
លោកបានបន្តថា ចំណោម ៣០ នាក់ ក្នុងនោះមានមេប្រយោគចំនួន ២ នាក់ នាំឲ្យកើនឡើងដល់ ១៤ នាក់ ត្រូវជា ០,៤១% នៃមេប្រយោគចំនួន ៣៣៩០ នាក់ និងបេក្ខជនចំនួន ២៨ នាក់ នាំឲ្យកើនឡើងដល់ ៦៣១ នាក់ ត្រូវជា ២,៤៦% នៃបេក្ខជនចុះឈ្មោះប្រឡង ២៥៦៩៥ នាក់។
លោកបានបន្តថា បេក្ខជនមួយចំនួនមានបញ្ហាសុខភាព ប៉ុន្តែក្រោយពីការព្យាបាលរបស់គ្រូពេទ្យរួចមក បេក្ខជនអាចបន្តធ្វើកិច្ចការនៅក្នុងបន្ទប់សុខភាពបាន។ លោកបន្តទៀតថា ចំពោះស្ថានភាពមណ្ឌលប្រឡងមានភាពស្ងប់ស្ងាត់ល្អ និងនៅក្នុងមណ្ឌលប្រឡង គណៈមេប្រយោគប្រឡងបានអនុវត្តតួនាទី និងភារកិច្ចរៀងៗខ្លួនបានល្អប្រសើរ។ ចំណែកបេក្ខជនប្រឡងបានគោរពបទបញ្ជាផ្ទៃក្នុងស្តីពីការប្រឡងបានល្អ និងមណ្ឌលប្រឡងទាំង ៣១ មានគ្រូពេទ្យចំនួន ២ នាក់ ប្រចាំការ និងមានរថយន្តសង្គ្រោះបន្ទាន់ប្រចាំការតាមមណ្ឌលមួយចំនួនទៀត។ រីឯនៅខាងក្រៅមណ្ឌល កងកម្លាំងការពារអនុវត្តតួនាទីបានល្អប្រសើរ មានកងកម្លាំងការពារមណ្ឌលគ្រប់គ្រាន់។ លើសពីនេះ អាជីវកម្មជុំវិញមណ្ឌលប្រឡង ត្រូវបានផ្អាកទាំងស្រុង ជាពិសេសអាជីវកម្មថតចម្លង អាជីវកម្មបង្កសំឡេងរំខានដល់ការប្រឡង។
ប្រឡងបាក់ឌុបថ្ងៃទី ១ នៅមណ្ឌលប្រឡងភ្នំពេញ មានមេប្រយោគ និងបេក្ខជនអវត្តមានប្រមាណជាង ៦០០ នាក់ ក្នុងចំណោមមេប្រយោគ និងបេក្ខជនជិត ៣ ម៉ឺននាក់ និងមានបញ្ហាសុខភាពចំនួន ៤ នាក់។
សម្រាប់ឆ្នាំ ២០២៣ នេះ នៅរាជធានីភ្នំពេញមានបេក្ខជនដាក់ពាក្យប្រឡងចំនួន ២៥៦៩៥ នាក់ មាន ៣១ មណ្ឌល ត្រូវជា ១០៤២ បន្ទប់ និងមានគណៈមេប្រយោគសរុប ៣៣៩០ នាក់៕
អត្ថបទ ៖ សំអឿន
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ