KPT+
សហគមន៍ទេសចរណ៍នៅខេត្តសៀមរាប ត្រៀមរៀបចំទទួលភ្ញៀវរួចរាល់ក្នុងឱកាសឆ្លងឆ្នាំថ្មី
សហគមន៍ទេសចរណ៍ធម្មជាតិជាច្រើននៅខេត្តសៀមរាប បានរៀបចំភូមិឋាន និងតំបន់ទេសចរណ៍រួចរាល់ហើយក្នុងការទទួលភ្ញៀវទេសចរទៅកាន់ខេត្តនេះក្នុងឱកាសឆ្លងឆ្នាំសកលខាងមុខ ដោយផ្តល់អារម្មណ៍បែបធម្មជាតិ និងរួមចំណែកថែរក្សាប្រពៃណី ទំនៀមទម្លាប់ អ្នកស្រុកខេត្តសៀមរាប។
សហគមន៍ទេសចរណ៍ធម្មជាតិ ជាកញ្ចប់ទេសចរណ៍មួយបែប ក្រៅពីប្រាសាទដែលផ្ដល់នូវអារម្មណ៍បែបអ្នកស្រុកភូមិមូលដ្ឋាន ដែលសុទ្ធសឹងជាវប្បធម៌ទំនៀមទម្លាប់ប្រពៃណីខ្មែរ និងមនុស្សនាសម័យទំនើបពុំធ្លាប់បានជួបប្រទះ។ ចំពោះដំណើរកម្សាន្តអ្នកទេសចរណ៍ជ្រើសរើសការ ជិះរទេះគោ និងជិះទូក ព្រមទាំងសាករសជាតិម្ហូបបែបជនបទយ៉ាងឆ្ងាញ់ពិសា។
តាមការលើកឡើងពី លោក អ៉ឹង គឹមហួ ជាភ្ញៀវទេសចរមកពីខេត្តបាត់ដំបង ដែលបានមកទស្សនាសហគមន៍ទេសចរណ៍ធម្មជាតិក្នុងខេត្តសៀមរាប បង្ហាញថា សហគមន៍ទេសចរណ៍ ក្នុងខេត្តសៀមរាប ធ្វើឱ្យអារម្មណ៍លោកប្លែក និងបានសប្បាយរីករាយ ជាមួយនឹងធម្មជាតិ។
ដោយឡែកអ្នកស្រី កោត ឡៃហៀង មកពីខេត្តកំពង់ធំ ក៏បានលើកឡើងផងដែរថា សហគមន៍ទេសចរណ៍ បានផ្តល់ប្រាក់ចំណូលដល់ប្រជាពលរដ្ឋក្នុងសហគមន៍ ភ្ញៀវទេសចរ មានភាពស្រស់ស្រាយជាមួយស្រស់ធម្មជាតិតែម្តង ដូចជា សហគមន៍ទេសចរណ៍ បាគងភូមិខ្ញុំ ជាដើម ដែលបានចូលរួមចំណែកថែរក្សាវប្បធម៌ ទំនៀមទម្លាប់ប្រពៃណីខ្មែរ។
លោក ឡែម ប៉ាន់ តំណាង សហគមន៍ទេសចរណ៍ បាគងភូមិខ្ញុំ លើកឡើងថា ក្នុងនាមជាអ្នកផ្តល់សេវាកម្មទេសចរណ៍ នៅក្នុងសហគមន៍ លោក សង្គេតឃើញថា បច្ចប្បន្ននេះ ក្រៅពីប្រាសាទបុរាណនៅក្នុងតំបន់រមណីយដ្ឋានអង្គរ ភ្ញៀវទេសចរមានការចាប់អារម្មណ៍ច្រើន ក្នុងការមកកម្សាន្តនៅតាមសហគមន៍ទេសចរណ៍បែបធម្មជាតិ ស្រុកស្រែជនបទ ជាពិសេសនោះ គឺសេវាកម្មជិះរទេះគោ ដែលធ្វើឱ្យពួកគាត់បានឃើញពីជីវភាពរស់នៅរបស់ប្រជាជនតាមជនបទ និងទិដ្ឋភាពផ្សេងៗអ្នកនៅទីក្រុងដែលធ្លាប់បានឃើញ។
គួរជម្រាបថា នៅក្នុងខេត្តសៀមរាប មានសហគមន៍ទេសចរណ៍ដែលគួរឱ្យចាប់អារម្មណ៍ជាច្រើនដូចជា សហគមន៍ទេសចរណ៍ធម្មជាតិមេជ្រៃ ដែលមានទេសភាពបឹងទន្លេសាប ហ្វូងសត្វ និងសម្រស់ព្រៃលិចទឹក សហគមន៍ទេសចរណ៍ធម្មជាតិកំពង់ភ្លុក ដែលមានទេសភាពផ្ទះខ្ពស់ៗក្នុងតំបន់បឹងទន្លេសាប និងសម្រស់ព្រៃលិចទឹក សហគមន៍ទេសចរណ៍ធម្មជាតិបឹងឈូក ដែលមានទេសភាពនៃបឹងធម្មជាតិ និងភ្នំដ៏ស្រស់ស្អាត សហគមន៍ទេសចរណ៍ បាគងភូមិខ្ញុំ ដែលមានទេសភាពបែបធម្មជាតិស្រុកស្រែជនបទ ក៏ដូចជាប្រវត្តិសាស្ត្រដ៏ទាក់ទាញ និងសហគមន៍ទេសចរណ៍ធម្មជាតិចង្រ្កានរយ ដែលមានទេសភាពធម្មជាតិលើភ្នំដ៏ស្រស់ត្រកាលជាដើម៕
ដោយ៖ គឿន វេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ