ជីវិតកម្សាន្ដ
មិនបោះបង់គ្នា ! តារាស្រី ៣ ដួង ស្កាត់មកចូលរួមបុណ្យ ៧ ថ្ងៃ ឪពុក សឿ សុធារ៉ា
គេសង្កេតឃើញថានៅក្នុងទិដ្ឋភាព នៃពិធីបុណ្យគម្រប់ខួប ៧ ថ្ងៃ របស់លោកឪពុកតារាសម្តែងអ្នកនាង សឿ សុធារ៉ា កាលពីថ្ងៃទី ០៩ ខែមករា ឆ្នាំ ២០២៤ ម្សិលមិញ ហាក់មានភាពស្ងប់ស្ងាត់ ខណៈពុំសូវមានវត្តមានការចូលរួមពីសំណាក់មិត្តភ័ក្ដិសិល្បករ-សិល្បការិនី និងញាតិមិត្តច្រើនឡើយ។
បើតាមការបញ្ជាក់ឲ្យដឹងពីតារាស្រីអ្នកនាង សឿ សុធារ៉ា សម្រាប់កម្មវិធីបុណ្យគម្រប់ខួប ៧ ថ្ងៃ លោកឪពុក គឺនាងធ្វើតែមួយព្រឹកថ្ងៃអង្គារតែប៉ុណ្ណោះ ដោយសារមិនមានលទ្ធភាពគ្រប់គ្រាន់ ហើយណាមួយទៀតក៏គ្មានភ្ញៀវចូលរួមច្រើនដែរ។ យ៉ាងណានៅក្នុងពិធីបុណ្យនេះដែរ អ្វីដែលគេកត់សម្គាល់គឺឃើញតារាស្រីល្បីធ្លាប់រួមអាជីព ៣ ដួង បានស្កាត់មកចូលរួម និងផ្តល់កម្លាំងចិត្តដល់អ្នកនាង សឿ សុធារ៉ា។ តារាសម្តែងទឹកភ្នែកទាំង ៣ ដួង ដែលជាមិត្តភ័ក្ដិស្និទ្ធនឹងគ្នានេះរួមមាន ៖ អ្នកនាង កែវ ពេជ្រពិសី ,អ្នកនាង សារាយ សក្ខណា និងអ្នកនាង ដាញ់ ម៉ូនីកា។ ទង្វើនេះ ក៏បានធ្វើឲ្យអ្នកគាំទ្រជាច្រើន សម្តែងការសរសើរទឹកចិត្តតារាស្រីទាំង ៣ ដួង ខាងលើនេះផងដែរ។
អ្នកនាង កែវ ពេជ្រពិសី បានលើកឡើងខ្លឹមសារថា «ថ្ងៃនេះ នាងខ្ញុំ និងប្អូនស្រី ដាញ់ ម៉ូនីកា ,ប្អូនស្រី សារាយ សក្កណា បានទៅចូលរួមពិធីបុណ្យសព ៧ ថ្ងៃ លោកឪពុករបស់អ្នកនាង សឿ សុធារ៉ា យើងខ្ញុំទាំង ៣ នាក់ សូមចូលរួមរំលែកទុក្ខ និងសូមចូលរួមផ្ដល់កម្លាំងចិត្តដល់ ធារ៉ា ដែលជាមិត្តសិល្បៈរួមជំនាន់ សូមរឹងមាំឡើង ដើម្បីកូនៗ ជាទីស្រលាញ់របស់យើង ស៊ូស៊ូ ក្រោយភ្លៀងមេឃគង់ស្រឡះ»។
ដូចមហាជនបានដឹងហើយថា តារាសម្តែងស្រីអ្នកនាង សឿ សុធារ៉ា ពេលនេះ បាននិងកំពុងជួបទុក្ខដ៏សោកសៅ ព្រោះលោកឪពុកបង្កើតរបស់នាងបានទទួលមរណភាពកាលពីល្ងាចថ្ងៃទី ០៣ ខែមករា ដោយសាររោគាពាធ និងមានជំងឺផ្លូវចិត្តធ្ងន់ធ្ងរ ក្រោយភរិយាលោកតាទទួលមរណភាពកាលពីជាង ១ ឆ្នាំមុន។ ដំណឹងនេះ ក៏មានសិល្បករ-សិល្បការិនី ព្រមទាំងមហាជនអ្នកគាំទ្រមួយចំនួន បានផ្ញើសារចូលរួមរំលែកទុក្ខដ៏ក្រៀមក្រំជាមួយអ្នកនាង សឿ សុធារ៉ា ផងដែរ៕
អត្ថបទ ៖ ចាន់រ៉ា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ