ព័ត៌មានជាតិ

ឃាត់ខ្លួនជនបរទេស ៥ នាក់ រឹបអូសគ្រឿងញៀនជាង ១,៥ តោន ដឹកឆ្លងដែនតាមសមុទ្រចូលមកម្ពុជា

បានផុស

១ year មុន

នៅ

ថ្ងៃពុធ ២៤ មករា ២០២៤

ដោយ

សមត្ថកិច្ចបានឃាត់ខ្លួនបរទេស ចំនួន ៥ នាក់ ក្នុងករណីចុះបង្ក្រាបការជួញដូរ និងដឹកជញ្ជូនគ្រឿងញៀនឆ្លងដែនខុសច្បាប់។

កម្លាំងជំនាញការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុនៅថ្ងៃទីកាលពីថ្ងៃទី ២២ ខែមករា ឆ្នាំ ២០២៤ បានសហការ ជាមួយកម្លាំងជំនាញនៃមន្ទីរប្រឆាំងបទល្មើសគ្រឿងញៀន ចុះបង្រ្កាបករណីជួញដូរ និងដឹកជញ្ជូនឆ្លងដែនតាមសមុទ្រដោយខុសច្បាប់នូវសារធាតុញៀន ចំនួន០២គោលដៅ គោលដៅទី១ ស្ថិតនៅចំណុច មុខកំពង់ផែកំពេញ ស្រុកស្ទឹងហាវ ខេត្តព្រះសីហនុ និងគោលដៅទី២ ស្ថិតនៅចំណុច ក្រុម៣ ភូមិ១ សង្កាត់១ ក្រុងព្រះសីហនុ ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមន្ទីរប្រឆាំងគ្រឿងញៀន ក្រសួងមហាផ្ទៃ នៅព្រឹកថ្ងៃទី ២៤ ខែមករា ឆ្នាំ២០២៤នេះ បានបើកបង្ហាញមុខជនបរទេសចំនួន៥នាក់ និងគ្រឿងញៀនជាងមួយតោន ដែលត្រូវបានបង្ក្រាបកាលពីពេលថ្មីៗនេះ នៅលើដែនសមុទ្រ នៃខេត្តព្រះសីហនុ។

មន្ត្រីជំនាញផ្នែកគ្រឿងញៀនបានបញ្ជាក់ថា សារធាតុញៀនដែលបង្ក្រាបបាននេះ ជាប្រភេទ កេតតាមីន និងមេតំហ្វេតាមីន។ ជាលទ្ធផលឃាត់ខ្លួនបានជនសង្ស័យរួមមាន៖

១-ឈ្មោះ shi yuan ya ភេទប្រុស ជនជាតិចិន ២-ឈ្មោះ Huang xiao yu ភេទប្រុស ជនជាតិចិន ៣-ឈ្មោះ Li zhong xian ភេទប្រុស ជនជាតិ ចិនតៃវ៉ាន់ ៤-ឈ្មោះ Huang zhi hong ភេទប្រុស ជនជាតិ ចិនតៃវ៉ាន់ ៥-ឈ្មោះ Luo shun ភេទប្រុស ជនជាតិហ្វីលីពីន។