ជីវិតកម្សាន្ដ
ជូរី ល្អហួស សន្យាចូលរួមការងារសង្គម ធ្វើជាគំរូល្អសម្រាប់យុវតីកម្ពុជា ដើម្បីលើកតម្លៃស្ត្រីទូទាំងសកល
ទីបំផុតម្ចាស់ជ័យលាភី Miss Preteen Junior Idol World 2024 បានវិលត្រឡប់មកដល់ទឹកដីមាតុភូមិកំណើតតាមពេលវេលា និងការកំណត់ហើយ កាលពីរសៀលថ្ងៃទី ០២ ខែមេសា ឆ្នាំ ២០២៤ ម្សិលមិញនេះ ដោយមានការទៅទទួលស្វាគមន៍យ៉ាងកក់ក្ដៅពីសំណាក់អ្នកគាំទ្រជាច្រើននៅព្រលានយន្តហោះភ្នំពេញ។
ចំពោះដំណើរនាំយកពាន និងមកុដមកដល់ទឹកដីប្រទេសកម្ពុជារបស់ម្ចាស់មកុដ Miss Preteen Junior Idol World 2024 នាពេលនេះ កាន់តែធ្វើឲ្យមហាជនមានក្តីមោទនភាពខ្លាំងសម្រាប់ជ័យលាភីយុវតី ជូរី ល្អហួស ដែលបានតំណាងកម្ពុជាចេញទៅប្រកួតលើឆាកអន្តរជាតិកាលពីថ្មីៗ នេះ។
អ្វីដែលកាន់តែធ្វើឲ្យទស្សនិកជនចាប់អារម្មណ៍ថែមទៀត គឺ បវរកញ្ញាវ័យក្មេង ជូរី ល្អហួស បានសន្យាក្នុងការចូលរួមការងារសង្គមជាតិ និងធ្វើជាគំរូល្អសម្រាប់យុវតីកម្ពុជា ដើម្បីលើកតម្លៃស្ត្រីទូទាំងសកលលោកផងដែរ។
ល្អហួស បញ្ជាក់ថា «នាងខ្ញុំ មានតែពាក្យថាអរគុណ ក្នុងនាមខ្ញុំជាយុវតី នៃព្រះរាជាណាចក្រកម្ពុជា នាងខ្ញុំសន្យាថា នឹងធ្វើកិច្ចការងារសង្គមជាតិឲ្យល្អបំផុត ដោយសេចក្ដីថ្លៃថ្នូរ និងជាគំរូល្អសម្រាប់យុវតីកម្ពុជាជំនាន់ក្រោយ ដើម្បីលើកតម្លៃស្ត្រីទូទាំងសកល សូមថ្លែងអំណរអរគុណដល់ប្រជាជនកម្ពុជាទូទាំងប្រទេស ភាពជោគជ័យមួយនេះគឺសម្រាប់ប្រទេសជាតិរបស់ខ្ញុំ»។
ជាការពិតតាមការកត់សម្គាល់មហាជន និងអ្នកគាំទ្រ បានបង្ហាញមោទនភាពជាមួយការចូលរួមអបអរសាទរ ខណៈបវរកញ្ញាវ័យក្មេងកម្ពុជាយុវតី ជូរី ល្អហួស ដណ្តើមឈ្នះមកុដពីការប្រកួតលើឆាកអន្តរជាតិក្នុងវគ្គផ្ដាច់ព្រ័ត្រ កាលពីយប់ថ្ងៃទី ៣១ ខែមីនា ឆ្នាំ ២០២ ៤ នៅលើទឹកដីប្រទេសថៃ៕
អត្ថបទ ៖ ចាន់រ៉ា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ