ព័ត៌មានជាតិ
អ្នកនាំពាក្យ ណែនាំសិស្សពូកែ ថែសុខភាពឱ្យល្អ បរិភោគទឹក និងអាហារគ្រប់គ្រាន់ ត្រៀមចូលរួមប្រឡងខាងមុខ
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានណែនាំដល់សិស្សពូកែថែរក្សាសុខភាពឱ្យបានល្អ បរិភោគទឹក និងចំណីអាហារគ្រប់គ្រាន់ ដើម្បីចូលរួមប្រឡងជ្រើសរើសសិស្សពូកែទូទាំងប្រទេស នាខែឧសភា ឆ្នាំ ២០២៤ ខាងមុខ។
លោកស្រីបានបន្តថា «ប្រឡងសិស្សពូកែទូទាំងប្រទេសនៅខែឧសភាខាងមុខនេះ វាជាឱកាសមួយសម្រាប់ប្អូនៗ ជាបេក្ខជន ក្នុងការស្គាល់សមត្ថភាពខ្លួនឯងជាងមុន និងស្គាល់ឱកាសដុសខាត់ខ្លួនឯងកាន់តែពូកែ និងកាន់តែមានបទពិសោធច្រើនជាងមុន ព្រមទាំងទទួលបានជោគជ័យក្នុងឱកាសប្រឡងសិស្សពូកែលើកនេះ ក៏ដូចជាទៅថ្ងៃអនាគត»។
លោកស្រី ឃួន វិច្ឆិកា បានលើកទឹកចិត្តសិស្សៗ ត្រូវត្រៀមលក្ខណៈឱ្យបានគ្រប់គ្រាន់ ត្រូវសម្រួចសមត្ថភាពឱ្យកាន់តែពូកែ ថែទាំសុខភាពឱ្យបានល្អ ព្រោះថាពេលនេះអាកាសធាតុក្តៅខ្លាំង ត្រូវសម្រាក បរិភោគទឹក និងចំណីអាហារឱ្យបានគ្រប់គ្រាន់ ដើម្បីត្រៀមលក្ខណៈទាំងចំណេះដឹង ស្មារតីចូលរួមក្នុងការប្រកួតប្រជែងនាពេលខាងមុខ និងជូនពរឱ្យទទួលបានជោគជ័យ។
យោងតាមក្រសួងអប់រំ យុវជន និងកីឡា បានឱ្យដឹងថា ការប្រឡងជ្រើសរើសសិស្សពូកែផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី ៩ និងថ្នាក់ទី ១២ នៅឆ្នាំនេះ នឹងប្រព្រឹត្តិទៅចាប់ពីថ្ងៃទី ១២ ដល់ថ្ងៃទី ១៦ ខែឧសភា ឆ្នាំ ២០២៤ នារាជធានីភ្នំពេញ ក្នុងនោះនៅថ្ងៃទី ១២ រៀបចំពិធីបើកជាផ្លូវការ និងថ្ងៃទី ១៣ ទី ១៤ និង ទី ១៥ ឧសភា ដំណើរការប្រឡង និងរសៀលថ្ងៃទី ១៦ ឧសភា ប្រារព្ធពិធីបិទ និងប្រកាសជ័យលាភីសិស្សពូកែប្រចាំឆ្នាំ ២០២៤។
សម្រាប់ឆ្នាំនេះ ក្រសួងជ្រើសរើសយកតែចំណាត់ថ្នាក់ទី ១ ដល់ទី ៥ ខណៈឆ្នាំមុនៗ ជ្រើសរើសពីចំណាត់ថ្នាក់ទី ១ ដល់លេខ ១០។ ក្នុងនោះ ចំណាត់ថ្នាក់លេខ ១ ទទួលបានថវិកា ៣ លាន ៥ សែនរៀល លេខ ២ បាន ៣ លាន ២ សែនរៀល លេខ ៣ បាន ២ លាន ៩ សែនរៀល លេខ ៤ បាន ២ លាន ៦ សែនរៀល និងលេខ ៥ បាន ២ លាន ៣ សែនរៀល។ សិស្សជ័យលាភី អាចនឹងទទួលប្រាក់រង្វាន់ និងវត្ថុផ្សេងៗ ទៀត ពីសប្បុរសជនផងដែរ។
គួរបញ្ជាក់ថា ឆ្នាំមុន ក្រសួងអប់រំ យុវជន និងកីឡា បានរៀបចំប្រឡងជ្រើសរើសសិស្សពូកែនៅទូទាំងប្រទេស នៅថ្ងៃទី ១២ ខែមិថុនា ឆ្នាំ ២០២៣ នៅវិទ្យាល័យនេតយ៉ង់ នៃទីរួមខេត្តបាត់ដំបង៕
អត្ថបទ ៖ សំអឿន
អ្នកជំនាញពន្យល់ពីកម្មវិធីជាតិជំនួយសង្គម និងអត្ថប្រយោជន៍នៃការប្រើប្រាស់បណ្ណ ប ស ស
នាយករដ្ឋមន្ត្រី លើកទឹកចិត្តពលរដ្ឋយកកូនឱ្យបានច្រើន ដើម្បីបង្កើនប្រជាជនវ័យក្មេង
ប្រវត្តិប្រធានសហព័ន្ធកីឡាប្រដាល់គុនខ្មែរ តាំងពីបង្កើតផ្លូវការ
អ្នកនាំពាក្យ ណែនាំសិស្សពូកែ ថែសុខភាពឱ្យល្អ បរិភោគទឹក និងអាហារគ្រប់គ្រាន់ ត្រៀមចូលរួមប្រឡងខាងមុខ
សេចក្ដីជូនដំណឹង ស្ដីពីការអញ្ជើញចូលរួមពិគ្រោះថ្លៃ និងដេញថ្លៃដោយប្រកួតប្រជែងជាសាធារណៈសម្រាប់ឆ្នាំ២០២៤ ជូនមន្ទីរអភិវឌ្ឍន៍ជនបទខេត្តព្រះសីហនុ
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី
កូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ
-
KPT+១ សប្តាហ៍ agoខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ១ សប្តាហ៍ agoអ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៥ ថ្ងៃ agoកូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ១ សប្តាហ៍ agoតំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានអន្ដរជាតិ២៣ ម៉ោង agoការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៤ ថ្ងៃ agoសម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ជីវិតកម្សាន្ដ៧ ថ្ងៃ agoតារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី
-
ព័ត៌មានអន្ដរជាតិ២ ថ្ងៃ agoកូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ