ពិធីស្រង់ព្រះ​នៅវត្តជ័យគិរី​ ហៅវត្តភ្នំហាន់ជ័យ​ ឆ្នាំនេះមានមនុស្ស​ចូលរួមច្រេីន

ព្រះសង្ឃ​ រួមគណៈកម្មាធិការ​វត្ត​ជ័យគិរី​ ហៅវត្តភ្នំហាន់ជ័យ​ ស្ថិតក្នុងស្រុកកំពង់សៀម​ ខេត្តកំពង់ចាម​ បានប្រារព្ធពិធីស្រង់ព្រះ​ ដោយយកថ្ងៃទី​១៧​ មេសាជារៀងរាល់ឆ្នាំ​ ដេីម្បីធ្វេីពិធីសាសនាមួយនេះ។

បេីតាមសង្ឃដិកា​ ព្រះសីលសំវរៈ ប៊ត​ តាំងឆេង​ ព្រះរាជាគណៈថ្នាក់ចត្វា​ព្រះនាគមុនី ព្រះមេគណខេត្តកំពង់ចាម បានមានសង្ឃដីកា​ថា​ ដោយសារកត្តាសុខសន្តិភាព​ ក្រោមការដឹកនាំរបស់​ សម្តេចបវរធិបតី​ ហ៊ុន​ ម៉ាណែត​ជានាយករដ្ឋមន្ត្រី​នៃព្រះរាជាណាចក្រកម្ពុជា​ បានធ្វេីប្រជាពលរដ្ឋមានជីវភាពធូធារ​មានសិទ្ធិ​សេរីភាពពេញលីង​ដោយពុំមានការព្រួយបារម្ភអ្វីឡេីយពោលគឺពលរដ្ឋអាចធ្វេីដំណេីរកម្សាន្តសប្បាយគ្រប់ទិសទី។

ព្រះអង្គ​ បានបន្ថែមដីកាទៀតថា​ ឆ្នាំនេះ​ បានការសហការពីកងកម្លាំងស្នងការនគរបាលខេត្តកំពង់ចាមបានជួយឡានបាញ់ចំនួន២គ្រឿង​ ដោយបាញ់ទឹកអស់៥ឡាន​ ដេីម្បីធ្វេីពិធីស្រង់ព្រះ​ និងមានបង្កេីតកម្មវិធីសប្បាយៗ​រាំលេងកម្សាន្ត​ដោយមានលេងល្បែងប្រជាប្រិយ៍​ខ្មែរ​ជាច្រេីនទៀតផង៕​

អត្ថបទ​ និង​រូបភាព​៖​ឡេក​ ចាន់ពេជ្រ​