ព័ត៌មានជាតិ

ខេត្តកណ្តាល មានអ្នកឆ្លងកូវីដ១៩ ពាក់ព័ន្ធនឹងព្រឹត្តិការណ៍២០កុម្ភៈចំនួន១៨នាក់

បានផុស

៥ years មុន

នៅ

ថ្ងៃពុធ ២៤ កុម្ភៈ ២០២១

ដោយ

លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងថា ខេត្តកណ្តាលមានប្រជាពលរដ្ឋជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈ ចំនួន៩៤២នាក់ ស្រី៥០៧នាក់និងបានយកសំណាកទៅធ្វើតេស្តចំនួន៧០៩នាក់ ក្នុងនោះមាន១៨នាក់ឆ្លងជំងឺកូវីដ១៩។

លោកបានបន្តថា ក្នុងចំណោម៩៤២នាក់នោះ បានបញ្ជូនទៅធ្វើចត្តាឡីស័កនៅមណ្ឌលចត្តាឡីស័កចំនួន១៩៨នាក់និង៦៩៧នាក់ ធ្វើចត្តាឡីស័កនៅតាមផ្ទះរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តទៀតថា អ្នកឆ្លងកូវីដម្នាក់នោះ នៅក្រុងតាខ្មៅក្នុងនោះមានម្នាក់កំពុងសម្រាកព្យាបាលនៅមន្ទីរពេទ្យរបេងភ្នំពេញនិង១៧នាក់ទៀតកំពុងសម្រាកព្យាបាលជំងឺនៅមន្ទីរពេទ្យជ័យជំនះខេត្តកណ្តាល។

ពាក់ព័ន្ធព្រឹត្តិការណ៍សហគមន៍២០កុម្ភៈនេះ អាជ្ញាធរខេត្តបានចុះបិទហាងខារ៉ាអូខេយីហោឡូហ្សិក២ ដែលមានទីតាំងស្ថិតនៅតាមបណ្តោយផ្លូវ២១០ ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាលបន្ទាប់ពីក្រសួងបានរកឃើញបុរសម្នាក់ឈ្មោះ គង់ ចាន់ឌី អាយុ៣៩ឆ្នាំ បម្រើការងារនៅក្នុងក្លឹបN8 មានផ្ទុកជម្ងឺកូវីដ១៩ ហើយបុរសរូបនេះមានប្រពន្ធ បម្រើការងារក្នុងហាងផឹកស៊ី និងខារ៉ាអូខេ យីហោឡូហ្ស៊ិក២។

ចំណែករដ្ឋបាលខេត្តកណ្តាលក៏បានចេញសេចក្ដីជូនដំណឹងទៅរដ្ឋបាលក្រុងតាខ្មៅឲ្យផ្អាករាល់អាជីវកម្មសេវាកម្សាន្តខារ៉ាអូខេ រង្គសាល មានមូលដ្ឋានក្នុងក្រុងតាខ្មៅទាំងអស់ដើម្បីទប់ស្កាត់ជំងឺកូវីដ១៩។

គួរបញ្ជាក់ថា គួរបញ្ជាក់ថាគិតត្រឹមព្រឹកថ្ងៃទី២៤កុម្ភៈនេះ កម្ពុជាមានអ្នកឆ្លងជំងឺកូវីដ១៩សរុបចំនួន៦៣៣នាក់ ក្នុងនោះមានអ្នកជាសះស្បើយចំនួន៤៧៦នាក់និងអ្នកកំពុងសម្រាលព្យាបាលនៅមន្ទីរពេទ្យចំនួន១៤២នាក់ ក្នុងនោះមានអ្នកជាប់ពាក់ព័ន្ធនឹងព្រឹត្តិការណ៍២០កុម្ភៈចំនួន១៣៧នាក់ផងដែរ៕

ដោយ ៖ សំអឿន