ពលករ​ខ្មែរមកពីថៃម្នាក់ស្លាប់

អាជ្ញាធរខេត្តបន្ទាយមានជ័យនៅថ្ងៃទី ២៦ ខែកុម្ភៈ ឆ្នាំ ២០២១ នេះ បានប្រកាសច្រានចោលនូវព័ត៌មានមិនពិតថា មានករណីពលករមកពីប្រទេសថៃ បានស្លាប់ដោយសារជំងឺកូវីដ១៩។

តាមការប្រកាសរបស់រដ្ឋបាលខេត្តបន្ទាយមានជ័យ ករណីស្លាប់របស់បុរសពលករអាយុ ៣៦ ឆ្នាំ រស់នៅភូមរំដេង ឃុំស្ពានត្នោត ស្រុជីក្រែង ខេត្តសៀមរាប មិនមែនដោយសារជំងឺកូវីដ១៩ នោះទេ។

អាជ្ញាធរខេត្តអះអាងថា មូលហេតុនៃការស្លាប់របស់ពលករម្នាក់នោះ គឺដោយសារជំងឺរលាកស្រោមខួរក្បាល និងជំងឺរបេងសួត។

ពលករជាអ្នកជំងឺ បានមកដល់កម្ពុជាតាំងពីថ្ងៃទី ១៨ ខែកុម្ភៈ ហើយត្រូវបានគ្រូពេទ្យបញ្ជូនទៅសង្គ្រោះនៅមន្ទីរពេទ្យបង្អែកម៉ាឡៃសន្តិភាព លុះស្ថានភាពកាន់តែធ្ងន់គ្រូពេទ្យបានបញ្ជូនបន្តទៅកាន់មន្ទីរពេទ្យ ខេត្តមិត្តភាពកម្ពុជា-ជប៉ុន មង្គលបូរី ប៉ុន្តែដោយស្ថានភាពជំងឺសង្គ្រោះលែងបាន បុរសរូបនោះ ក៏បានស្លាប់បាត់បង់ជីវិត នៅវេលាម៉ោង ២ រសៀលថ្ងៃទី ២៥ ខែកុម្ភៈ ម្សិលមិញ៕

អត្ថបទ៖ ឡេង ដេត