ព័ត៌មានអន្ដរជាតិ

ការនាំចេញរបស់ចិនកើនឡើងគួរឱ្យកត់សម្គាល់នៅខែមិថុនា តែការនាំចូលធ្លាក់ចុះ

បានផុស

២ years មុន

នៅ

ថ្ងៃសៅរ៍ ១៣ កក្កដា ២០២៤

ដោយ

ការនាំចេញរបស់ចិនកាលពីខែមិថុនា បានកើនឡើងក្នុងល្បឿនលឿនបំផុតមិនធ្លាប់មានក្នុងរយៈពេល ១៥ ខែ ចំពេលដែលចិនសម្រុកនាំចេញក្រោមសម្ពាធបង្កើនពន្ធពីសំណាក់ទីផ្សារនាំចូលផ្សេងៗ ខណៈការនាំចូលធ្លាក់ចុះដោយមិនរំពឹងទុក ដោយសារតម្រូវការក្នុងស្រុកទន់ខ្សោយ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យគយបានបង្ហាញកាលពីថ្ងៃសុក្រថា ការនាំចេញរបស់ចិនបានកើនឡើង ៨,៦ ភាគរយក្នុងខែមិថុនា បើធៀបនឹងរយៈពេលដូចគ្នាកាលពីឆ្នាំមុន ដែលនេះកើនលើសការរំពឹងទុក្ខ ៨ ភាគរយរបស់អ្នកសេដ្ឋកិច្ច និងកើនឡើងពី ៧,៦ ភាគរយកាលពីខែឧសភា។

យ៉ាងណាមិញ ការនាំចូលបានដាំក្បាលចុះដល់កម្រិតទាបក្នុងរយៈពេល ៤ ខែ ក្នុងអត្រាប្រមាណ ២,៣ ភាគរយ ផ្ទុយពីការរំពឹងទុកដែលថា វានឹងកើនឡើង ២,៨ ភាគរយ ដោយសារតែភាពកម្សោយនៃតម្រូវការប្រើប្រាស់ក្នុងស្រុក។

ប្រធានសេដ្ឋវិទូនៅក្រុមហ៊ុន Pinpoint Asset Management លោក Zhiwei Zhang បានលើកឡើងប្រាប់រ៉យទ័រថា ទិន្នន័យចុងក្រោយនេះឆ្លុះបញ្ចាំងពីស្ថានភាពសេដ្ឋកិច្ចនៅក្នុងប្រទេសចិន ដែលមានតម្រូវការក្នុងស្រុកខ្សោយ ប៉ុន្តែសមត្ថភាពផលិតរឹងមាំ ដែលធ្វើឱ្យប្រទេសនេះត្រូវពឹងផ្អែកលើការនាំចេញ ដើម្បីកំណើនសេដ្ឋកិច្ច។

លោកបន្តថា ការបន្តពឹងផ្អែកលើការនាំចេញជាធំ គឺជាហានិភ័យដ៏សំខាន់សម្រាប់សេដ្ឋកិច្ចរបស់ប្រទេសចិននៅក្នុងឆមាសទី២នៃឆ្នាំនេះ ចំពេលដែលសេដ្ឋកិច្ចនៅសហរដ្ឋអាមេរិកក៏កំពុងចុះខ្សោយ ហើយជម្លោះពាណិជ្ជកម្មកាន់តែអាក្រក់ទៅៗ៕

Related Topics:ប្រទេសចិន