ព័ត៌មានអន្ដរជាតិ
ការលក់ជាសកលរបស់ McDonald’s ធ្លាក់ចុះលើកដំបូងក្នុងរយៈពេលជាង៣ឆ្នាំ
ក្រុមហ៊ុនផ្គត់ផ្គង់អាហាររហ័សយក្ស McDonald’s កាលពីថ្ងៃចន្ទ បានរាយការណ៍ពីការធ្លាក់ចុះនៃចំនួនលក់ទូទាំងសកលរបស់ខ្លួន ជាលើកដំបូងក្នុងរយៈពេលជាង ៣ ឆ្នាំ ចំពេលដែលអតិថិជនកាត់បន្ថយការចំណាយលើមុខបញ្ជីអាហារថ្លៃៗ ហើយក្រុមហ៊ុនអាហារផ្សេងៗរងការធ្វើពហិការបស់អតិថិជនជុំវិញជម្លោះអ៊ីស្រាអែល-ហាម៉ាស់។
ការលក់ជាសកលបានធ្លាក់ចុះ ១ ភាគរយ ក្នុងត្រីមាសទី ២ បើធៀបនឹងការរំពឹងទុកពីកំណើន ០,៥ ភាគរយ។ ប្រាក់ចំណូលសរុបរបស់ McDonald’s ក្នុងអំឡុងពេលដដែល បានកើនឡើង ១ ភាគរយ។
នាយកប្រតិបត្តិរបស់ McDonald’s លោក Chris Kempczinski បាននិយាយថា សុទិដ្ឋិនិយមរបស់អតិថិជនលើហិរញ្ញវត្ថុ និងស្ថេរភាពសេដ្ឋកិច្ច នៅទីផ្សារលក់ធំៗភាគច្រើនរបស់ក្រុមហ៊ុន ស្ថិតនៅកម្រិតទាប។
ជុំវិញរបាយការណ៍ថ្មីនេះ អ្នកជំនាញលើកឡើងថា បញ្ហាធំមួយដែលធ្វើឱ្យការលក់របស់ McDonald’s ធ្លាក់ចុះ គឺការកាត់បន្ថយការចំណាយរបស់ក្រុមអតិថិជន ដែលមានប្រាក់ចំណូលទាប រួមទាំងការកាត់បន្ថយការញ៉ាំក្រៅផ្ទះ ដោយសារតែបញ្ហាអតិផរណាខ្ពស់ថេរ។
ការលក់នៅសហរដ្ឋអាមេរិករបស់ McDonald’s បានធ្លាក់ចុះ ០,៧ ភាគរយ ក្នុងត្រីមាសទី២ ខណៈនៅត្រីមាសដដែលកាលពីឆ្នាំមុន ការលក់បានកើនឡើងប្រមាណ ១០,៣ ភាគរយ។ ការលក់លើទីផ្សារអន្តរជាតិ ដែលរួមចំណែកជិតពាក់កណ្តាលនៃប្រាក់ចំណូលឆ្នាំ ២០២៣ របស់ក្រុមហ៊ុននេះ បានធ្លាក់ចុះ ១,១ ភាគរយ ដោយសារតែកម្សោយនៅបារាំង។
លើសពីនេះ ការស្ទុះងើបឡើងវិញយឺតជាងការរំពឹងទុកនៃសេដ្ឋកិច្ចចិន និងជម្លោះមជ្ឈិមបូព៌ា ក៏បានធ្វើឱ្យប៉ះពាល់ដល់ដំណើរការអាជីវកម្មរបស់ McDonald’s ផងដែរ។ ក្រុមហ៊ុនដូចជា McDonald’s និង Starbucks ក៏ទទួលរងពីការធ្វើពហិការរបស់អតិថិជន ជុំវិញសង្រ្គាមនៅហ្គាហ្សា ដែលធ្វើឱ្យប៉ះពាល់ដល់ការលក់របស់ពួកគេក្នុងទីផ្សារមជ្ឈិមបូព៌ា៕
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?