សន្តិសុខសង្គម

សមត្ថកិច្ចខណ្ឌដង្កោ ស្រាវជ្រាវឃាត់ខ្លួនជនសង្ស័យ ៣ នាក់ ក្រោយលួចគ្រឿងអលង្ការពលរដ្ឋ

បានផុស

២ years មុន

នៅ

ថ្ងៃពុធ ៧ សីហា ២០២៤

ដោយ

កម្លាំងសមត្ថកិច្ចព្រហ្មទណ្ឌខណ្ឌដង្កោ បានធ្វើការស្រាវជ្រាវក្រុមជនសង្ស័យចំនួន ៣ នាក់ បន្ទាប់ពីធ្វើសកម្មភាពចូលលួចទ្រព្យសម្បត្តិប្រជាពលរដ្ឋក្នុងផ្ទះ កាលពីថ្ងៃទី ០៤ ខែសីហា ឆ្នាំ ២០២៤ វេលាម៉ោង ០៩ និង ៣០ នាទី (ម៉ោងក្នុងកាមេរ៉ាសុវត្ថិភាព) ត្រង់ចំណុចផ្ទះគ្មានលេខ ផ្លូវបេតុង ស្ថិតនៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពពីជនរងគ្រោះឈ្មោះ ខៀង រតនៈ ភេទស្រី អាយុ ៣១ ឆ្នាំ ជនជាតិខ្មែរ មុខរបរអាជីវករ មានទីលំនៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ បានឲ្យដឹងថា មុនពេលកើតហេតុ គាត់ និងប្ដី បានចេញពីផ្ទះជួលគ្មានលេខ ផ្លូវបេតុង ស្ថិតនៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ ទៅលក់ខ្ញីនៅផ្សារបន្លែកួរស្រូវ ស្ថិតនៅភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ។

ជនរងគ្រោះ បានឲ្យដឹងបន្តថា ខ្លួនបានទុកកាបូបស្ពាយពណ៌ខ្មៅចំនួន ០២ ក្នុងបន្ទប់ឡៅតឿ។ ក្នុងកាបូបទាំងពីរនោះ កាបូបមួយ មានលុយចំនួន ៥,០០០,០០០ រៀល (ប្រាំលានរៀល) និងកាបូបមួយទៀត មានចិញ្ចៀនមាសចំនួន ០១ វង់ និងខ្សែកប្លាទីនចំនួន ០១ ខ្សែ ដោយឲ្យកូនប្រុសនៅចាំផ្ទះតែម្នាក់ឯង។ លុះដល់វេលាម៉ោង ១១ និង ០០ នាទី ថ្ងៃខែឆ្នាំដដែល ខ្លួន និងប្តីបានត្រឡប់ពីលក់ដូរមកដល់ផ្ទះវិញ ហើយបានឡើងទៅបន្ទប់ឡៅតឿ ដើម្បីយកលុយឲ្យថ្លៃអីវ៉ាន់គេ ស្រាប់តែបាត់លុយក្នុងកាបូបចំនួន ៥,០០០,០០០ រៀល (ប្រាំលានរៀល) រួចជនរងគ្រោះក៏បើកមើលកាបូប ០១ ទៀត ក៏បានបាត់ខ្សែកប្លាទីនចំនួន ០១ ខ្សែ និងចិញ្ចៀនមាសចំនួន ០១ វង់ ពីក្នុងកាបូបខាងលើ ទើបរាយការណ៍ប្រាប់សមត្ថកិច្ច និងដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលរលួស ដើម្បីស្រាវជ្រាវរកជនសង្ស័យ។ ក្នុងនោះ សមត្ថកិច្ចក៏បានចុះទៅដល់កន្លែងកើតហេតុ ឆែកមើលកាមេរ៉ាសុវត្ថិភាពដែលបំពាក់នៅផ្ទះប្រជាពលរដ្ឋក្បែរកន្លែងកើតហេតុ ក៏ឃើញជនសង្ស័យមិនស្គាល់អត្តសញ្ញាណចំនួន ០២ នាក់ បានដើរចូលធ្វើសកម្មភាពលួចយកទ្រព្យសម្បត្តិ។

ក្រោយទទួលពាក្យបណ្ដឹងជនរងគ្រោះរួច កម្លាំងសមត្ថកិច្ចធ្វើការស្រាវជ្រាវឃាត់ខ្លួនបានជនសង្ស័យម្នាក់ ឈ្មោះ សំរ៉ុង មឿន ហៅ ឡូតូ ភេទប្រុស អាយុ ២៣ ឆ្នាំ យកមកធ្វើការសាកសួរនៅអធិការដ្ឋាននគរបាលខណ្ឌដង្កោ។ បន្ទាប់ពីធ្វើការសាកសួរ ជនសង្ស័យឈ្មោះ សំរ៉ុង មឿន ហៅ ឡូតូ បានឆ្លើយសារភាពប្រាប់សមត្ថកិច្ចថា រូបខ្លួន (ជនសង្ស័យឈ្មោះ សំរ៉ុង មឿន ហៅ ឡូតូ) និងបក្ខពួកឈ្មោះ គី កាមុត ហៅ ហម ភេទប្រុស អាយុ ២១ ឆ្នាំ ពិតជាបានធ្វើសកម្មភាពលួចទ្រព្យសម្បត្តិ (ចិញ្ចៀនមាស និងខ្សែកប្លាទីន) ពិតប្រាកដមែន។

បច្ចុប្បន្ន កម្លាំងសមត្ថកិច្ច នៃអធិការដ្ឋាននគរបាលខណ្ឌដង្កោ បានកសាងសំណុំរឿងបញ្ជូនទៅកាន់តុលាការតាមនីតិវិធីច្បាប់៕

អត្ថបទ ៖ ម៉េង

Related Topics:ខណ្ឌដង្កោ លួច

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា