ព័ត៌មានជាតិ

ផ្ទះមួយខ្នងត្រូវអគ្គិភ័យឆាបឆេះអស់ទាំងស្រុង

បានផុស

៥ years មុន

នៅ

ថ្ងៃសុក្រ ៥ មីនា ២០២១

ដោយ

ផ្ទះមួយខ្នងមានទំហំ៦ម៉ែត្រគុណ០៨ម៉ែត្រធ្វើអំពីឈើប្រកស័ង្កសីត្រូវបានអគ្គិភ័យឆាបឆេះហ្មត់ទាំងស្រុងបណ្តាលមកពីឆ្លងចរន្ដអគ្គិសនី កាលពីវេលាម៉ោង១២និង៣០នាទីរសៀលថ្ងៃទី៤ ខែមីនា ឆ្នាំ២០២១ នៅភូមិស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ។

លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរី បានប្រាប់ឲ្យដឹងថា ម្ចាស់ផ្ទះមានឈ្មោះ ញៀន សៀក ភេទស្រីអាយុ៦២ឆ្នាំ នៅភូមិស្រះរាំង ឃុំស្រះរាំង ស្រុកមង្គលបូរី ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបញ្ជាក់ឲ្យដឹងបន្តទៀតថា ផ្ទះដែលត្រូវភ្លើងឆេះមានទំហំ៦ម៉ែត្រX៨ម៉ែត្រ ធ្វើអំពីឈើប្រកស័ង្កសី ជញ្ជាំងក្តារ ។ នៅមុនពេលកើតហេតុនោះម្ចាស់ផ្ទះនៅក្រោមផ្ទះស្រាប់តែឃើញភ្លើងឆេះចេញពីលើផ្ទះមួយសន្ទុះក្រោយមកភ្លើងឆេះយ៉ាងសន្ធោសន្ធៅពេញទំហឹងដោយសារខ្យល់ខ្លាំងមានឡានទឹកជួយបាញ់ដែរ តែភ្លើងឆេះខ្លាំងពេកផ្ទះ១ខ្នងនោះជិត២ម៉ោងត្រូវឆេះអស់ទាំងស្រុង។

លោកបានបញ្ជាក់ឲ្យដឹងបន្តទៀតថា មូលហេតុ បណ្តាលមកពីឆ្លងចរន្ដអគ្គិសនីនៅខាងលើម្ចាស់នៅខាងក្រោមផ្ទះ ។

សម្ភារៈដែលខូចខាតរួមមានទូរទស្សន៍ចំនួន ១ គ្រឿងកង្ហារចំនួន៤ គ្រឿងសំលៀកបំពាក់មួយចំនួនធំអង្ករ៧០ គីឡូក្រាម លុយថៃចំនួន១០.០០០បាទខ្សែករមាសចំនួន១ដំឡឹង ប្លាកដៃផ្លាទីន១ខ្សែរទម្ងន់១ដំឡឹង និងសម្ភារៈប្រើប្រាស់ផ្សេងៗក្នុងផ្ទះ គិតជាទឹកប្រាក់ទំងអស់មានចំនួន៩៦.០០០បាទប្រាក់រៀលនិង៤.៧៥០.០០០រៀល។ករណីនេះមិនបណ្តាលឲ្យរាលទៅដល់ផ្ទះអ្នកជិខាងនោះទេ ព្រោះផ្ទះឆេះនោះនៅដាច់ដោយឡែកពីគេនិងមិនបង្កឲ្យមានមនុស្សរងគ្រោះថ្នាក់នោះដែរ៕

អត្ថបទ ៖ វ៉ាន់ ណាង